യുഎഇയിൽ വെയര്ഹൗസില് വന് തീപിടുത്തം...! സാധനങ്ങളെല്ലാം കത്തി നശിച്ചു
യുഎഇയിൽ വന് തീപിടുത്തം. കഴിഞ്ഞ ദിവസമാണ് വളരെ അധികം ആശങ്കകൾക്ക് കാരണമാക്കിയ അഗ്നിബാധ ഉണ്ടായത്. ഷാര്ജയിലെ വെയര്ഹൗസില് തീ പടർന്നുപിടിക്കുകയാണ് ഉണ്ടായത്. അല് നഹ്ദ ഏരിയയില് ഞായറാഴ്ച രാവിലെയായിരുന്നു സംഭവം. ലോഹ സാമഗ്രികള് സൂക്ഷിച്ചിരുന്ന വെയര്ഹൗസിലാണ് തീപിടിച്ചത്. ഇവിടെയുണ്ടായിരുന്ന സാധനങ്ങളെല്ലാം കത്തി നശിച്ചു.
രാവിലെ 10.42നായിരുന്നു അപകടം സംബന്ധിച്ച വിവരം ലഭിച്ചതെന്ന് ഷാര്ജ സിവില് ഡിഫന്സ് അധികൃതര് അറിയിച്ചു. ലോഹ ഉപകരണങ്ങള് സൂക്ഷിച്ചിട്ടുള്ള വെയര്ഹൗസില് തീപിടിച്ചെന്ന വിവരമാണ് ലഭിച്ചത്. ഓപ്പറേഷന്സ് റൂമില് നിന്നുള്ള വിവരമനുസരിച്ച് സമീപത്തെ ഫയര് സ്റ്റേഷനുകളില് നിന്ന് അഗ്നിശമന സേനാ അംഗങ്ങള് എത്തി തീ നിയന്ത്രണ വിധേയമാക്കി.
അര മണിക്കൂറിനുള്ളില് തന്നെ തീ കെടുത്താന് സാധിച്ചതായി സിവില് ഡിഫന്സ് അറിയിച്ചു. എന്നാൽ തീ പിടുത്തത്തില് ആര്ക്കും പരിക്കേറ്റിട്ടില്ലെന്നും ആളപായമൊന്നും റിപ്പോര്ട്ട് ചെയ്യപ്പെട്ടിട്ടില്ലെന്നും സിവില് ഡിഫന്സ് അധികൃതര് അറിയിച്ചു. തീ പിടുത്തമുണ്ടായ സ്ഥലം തണുപ്പിക്കുന്നതിനുള്ള നടപടികള് പുരോഗമിക്കുന്നതായാണ് വിവരം.
തുടര്ന്ന് തീപിടുത്തത്തിന്റെ കാരണങ്ങള് കണ്ടെത്താനായി സ്ഥലം പൊലീസ് ഉള്പ്പെടെയുള്ള ഏജന്സികള്ക്ക് കൈമാറും. ഇതിന്റെ വ്യക്തമായ കാരണം കണ്ടെത്തേണ്ടിയിരിക്കുന്നു. അതിനാൽ വളരെ ശക്തമായ രീതിയിൽ തന്നെ പരിശോധന നടത്തി വെയര്ഹൗസിലെ തീപിടുത്തത്തിന്റെ കാരണം പൊലീസ് ഉള്പ്പെടെയുള്ള ഏജന്സികള്ക്ക് പുറത്തുവരിക തന്നെ ചെയ്യും.
ഇത് കൂടാതെ ദുബൈ അല് ഖൂസ് ഇന്ഡസ്ട്രിയല് ഏരിയയിലും കഴിഞ്ഞ ദിവസം വന് തീപിടുത്തം ഉണ്ടായി. ബുധനാഴ്ച വൈകുന്നേരം ഇന്ഡസ്ട്രിയല് ഏരിയയിലെ ഒരു വെയര്ഹൗസിലാണ് തീപിടുത്തമുണ്ടായത്. സ്ഥലത്തു നിന്ന് കനത്ത പുക ഉയരുന്നത് വളരെ ദൂരെ നിന്ന് പോലും ദൃശ്യമായിരുന്നു.സിവില് ഡിഫന്സും പൊലീസും ഉള്പ്പെടെയുള്ള വിഭാഗങ്ങള് സ്ഥലത്തെത്തി തീ നിയന്ത്രണ വിധേയമാക്കാനുള്ള നടപടികള് സ്വീകരിച്ചു. നിരവധി ഫയര് എഞ്ചിനുകളും സ്ഥലത്തെത്തി തീ കെടുത്തുന്നതിന് നേതൃത്വം നൽകി.
https://www.facebook.com/Malayalivartha
