യുഎഇയിൽ മലയാളി യുവാവിനെ മരിച്ച നിലയിൽ കണ്ടെത്തി. ആലപ്പുഴ തൃക്കുന്നപ്പുഴ പാനൂർ സ്വദേശിയായ യുവാവിനെ ദുബായിലാണ്  മരിച്ച നിലയിൽ കണ്ടെത്തിയത്. പാനൂർ പാലപ്പിള്ളി കരിയിൽ മുസ്തഫയുടെ മകൻ മുനീറാണ് (22) മരിച്ചത്. കുളിമുറിയിൽ മരിച്ച നിലയിൽ കാണുകയായിരുന്നു.

ദുബായ് ജബൽ അലിയിലെ ഹൈപ്പർമാർക്കറ്റ് ജീവനക്കാരനാണ്. മൂന്ന് മാസം മുൻപാണ് ജോലിയിൽ പ്രവേശിച്ചത്. കബറടക്കം പിന്നീട്. മാതാവ്: ആബിദ. സഹോദരങ്ങൾ: ഹസൈനാർ, അൻസില, ഫാസില, ഫാത്തിമ.

അതേസമയം സൗദി അറേബ്യയിൽ നിന്ന് പ്രമേഹവും മറ്റ് ശാരീരിക അസ്വസ്ഥതകളും കാരണം പത്ത് ദിവസം മുമ്പ് നാട്ടിലേക്ക് മടങ്ങിയ പ്രവാസി മലയാളി നിര്യാതനായി. മൂവാറ്റുപുഴ ചിലവ് പുത്തന്‍ വീട്ടില്‍ യൂസുഫ് മൗലവി (45) ആണ് നാട്ടില്‍ നിര്യാതനായത്.

ജുബൈലില്‍ ടാക്സി ഡ്രൈവറായിരുന്ന അദ്ദേഹം പ്രമേഹവും മറ്റ് ശാരീരിക അസ്വസ്ഥതകളും കാരണം പത്ത് ദിവസം മുമ്പാണ് ഫൈനല്‍ എക്സിറ്റില്‍ നാട്ടിലേക്ക് തിരിച്ചത്. നാട്ടിലെത്തി ആശുപത്രിയില്‍ പ്രവേശിപ്പിച്ചെങ്കിലും രോഗം മൂര്‍ച്ഛിക്കുകയും ശനിയാഴ്ച രാവിലെ മരണപ്പെടുകയുമായിരുന്നു. മൃതദേഹം ഖബറടക്കി.