നിരവധി റെക്കോർഡുകൾ സ്വന്തമാക്കിയ ദുബൈ നഗരം ഇത്തവണ അതിസാഹസികമായ ഒരു ലോക റെക്കോർഡിന് സാക്ഷ്യം വഹിച്ചിരിക്കുകയാണ്. ദുബൈയിൽ ഹോട്ടലിന് മുകളിൽ വിമാനമിറക്കി പോളിഷ് പൈലറ്റാണ് റെക്കോർഡിട്ടത്. കരീബിയൻ ദ്വീപിലുള്ള ലോകത്തെ ഏറ്റവും ചെറിയ റൺവേക്ക് പോലും 400 മീറ്റർ നീളുണ്ടെന്നിരിക്കെ 27 മീറ്റർ മാത്രം നീളുന്ന ഹെലിപാഡിലാണ് വിമാനമിറക്കിയത്.

56 നിലയുള്ള ദുബൈയിലെ സപ്തനക്ഷത്ര ഹോട്ടൽ ബുർജുൽ അറബിന് മുകളിലെ ഹെലിപാഡിലേക്കാണ് പോളിഷ് പൈലറ്റ് ലൂക്ക് ഷെപീല വിമാനവുമായി പറന്നിറങ്ങിയത്. വെറും 20.76 മീറ്ററിനകം വിമാനം പറന്നിറങ്ങി നിർത്താൻ 650 തവണ പരിശീലനം നടത്തിയാണ് ലൂക്ക് ഈ റെക്കോർഡ് ദൗത്യത്തിന് മുതിർന്നത്. ബുൾസ് ഐ എന്ന് പേരിട്ട സാഹിസിക ദൗത്യം വിജയകരമായി പൂർത്തിയാക്കിയ പൈലറ്റിന് അഭിനന്ദന പ്രവാഹമാണിപ്പോൾ.

ഈ സാഹസികത്തിനായി ചെറുവിമാന നിർമാതാക്കളായ കബ്ക്രാഫ്ര്‌റ്റേഴ്‌സിലെ എഞ്ചിനീയർമാർ അമേരിക്കൻ ഏവിയേഷൻ എഞ്ചിനീയർ മൈക്ക് പാറ്റേയുമായി ചേർന്ന് വിമാനത്തിൽ പല മാറ്റങ്ങളും വരുത്തി. വിമാനത്തിന്റെ ഭാരം 425 കിലോയാക്കി കുറച്ചു. ഇന്ധന ടാങ്ക് പിന്നിലേക്ക് മാറ്റി. ബ്രേക്കിങ് ശേഷി വർധിപ്പിച്ചു. ഹെലിപാഡിൽ നിന്ന് ടേക്ക് ഓഫ് സാധ്യമാവും വിധം വിമാനത്തിന്റെ കരുത്തും വർധിപ്പിച്ചു.

ചൊവ്വാഴ്ച ഇന്‍സ്റ്റാഗ്രാമില്‍ പങ്കിട്ട ഒരു വീഡിയോയില്‍, ബുര്‍ജ് അല്‍ അറബിന്റെ 56-ാം നിലയില്‍ 212 മീറ്റര്‍ ഉയരമുള്ള ഹെലിപാഡിന് അടുത്തേക്ക് ചെപിയേലയുടെ വിമാനം വരുന്നത് കാണാം. 'അതെ കുഞ്ഞേ, ഇത് എനിക്ക് തരൂ, എന്ന് ലാന്‍ഡിംഗ് നടത്തുന്നതിന് തൊട്ടു മുമ്പ് അദ്ദേഹം പറയുന്നതും വീഡിയോയില്‍ കേള്‍ക്കാം.

വിമാനം പൂര്‍ണമായി നില്‍ക്കുന്നതിന് മുമ്പ് ഹെലിപാഡില്‍ നിന്ന് ഒന്നു തെന്നിമാറിയെങ്കിലും നിയന്ത്രണം നഷ്ടപ്പെടാതെ വിമാനം നിര്‍ത്താന്‍ അദ്ദേഹത്തിന് സാധിച്ചു. വെറും 20.76 മീറ്ററിനകം വിമാനം പറന്നിറങ്ങി നിര്‍ത്താന്‍ അദ്ദേഹത്തിന് സാധിച്ചു. 'ഞങ്ങള്‍ ഇത് ചെയ്തു! പ്രശസ്തമായ ബുര്‍ജ് അല്‍ അറബിന്റെ ഹെലിപാഡില്‍ ആദ്യമായി വിമാനം ഇറങ്ങുന്നത് കാണുക,' വിമാനം ലാംഡ് ചെയ്ത ശേഷം സാപിയേല പറഞ്ഞു. വീഡിയോ പോസ്റ്റ് ചെയ്ത റെഡ് ബുള്‍ മോട്ടോര്‍സ്പോര്‍ട്സും ലോകത്തെ ഇത്തരം ഒന്നാമത്തെ സംഭവമാണെന്ന് ഇതിനെ വിശേഷിപ്പിച്ചു.

ഫ്‌ലൈറ്റിന്റെയും ലാന്‍ഡിംഗിന്റെയും ചിത്രങ്ങളും ദുബായ് മീഡിയ ഓഫീസും പ്രസിദ്ധീകരിച്ചു. 'വ്യക്തമായ സൂചനകളില്ലാതെ 200 മീറ്റര്‍ ഉയരത്തില്‍ ലാന്‍ഡ് ചെയ്യുന്നത് നിലത്ത് ഇറങ്ങുന്നതില്‍ നിന്ന് തികച്ചും വ്യത്യസ്തമാണ്. എനിക്ക് എന്റെ സ്വന്തം കഴിവുകളെ പൂര്‍ണ്ണമായി വിശ്വസിക്കുകയല്ലാതെ വേറെ വഴിയില്ലായിരുന്നു. ഹെലിപാഡില്‍, തെറ്റുകള്‍ക്ക് അവസരമില്ലായിരുന്നു.'- സെപിയേല പിന്നീട് റെഡ് ബുള്ളിന്റെ വെബ്സൈറ്റില്‍ എഴുതിയ കുറിപ്പില്‍ പറഞ്ഞു.