ഇനി സകലതും മാറിമറിയും...! അവശ്യ സാധനങ്ങളുടെ വില നിയന്ത്രിക്കാനുള്ള പുതിയ നയം ഉടൻ നടപ്പാക്കുമെന്നാണ് യുഎഇ
യുഎഇയിൽ താമസക്കാരായ പ്രവാസികൾക്ക് ഒരു ആശ്വസ വാർത്തയാണ് പുറത്തുവരുന്നത്. ജീവിത ചെലവ് ഇനിയൊരൽപ്പം കുറയുമെന്നും തന്നെ വേണം രാജ്യത്തിന്റെ ഈ പുതിയ നീക്കത്തിലൂടെ വിലയിരുത്താൻ. അവശ്യ സാധനങ്ങളുടെ വില നിയന്ത്രിക്കാനുള്ള പുതിയ നയം ഉടൻ നടപ്പാക്കുമെന്നാണ് യുഎഇ അറിയിച്ചിരിക്കുകയാണ്. ഇതിനായുള്ള പഠനം അന്തിമഘട്ടത്തിലാണെന്നും യുഎഇ സാമ്പത്തിക മന്ത്രി അബ്ദുല്ല ബിൻ തൂഖ് അറിയിച്ചു.
വിപണി നിരക്കുകൾ ന്യായമാണെന്നുറപ്പാക്കാനും വില നിശ്ചയിക്കുന്നതിലെ അശാസ്ത്രീയത തടയാനും പുതിയ സംവിധാനത്തിലൂടെ സാധിക്കുമെന്ന് മന്ത്രി പറഞ്ഞു. ഫെഡറൽ നാഷണൽ കൗൺസിലിലെ (എഫ്എൻസി) ചോദ്യങ്ങൾക്ക് മറുപടി പറയുകയായിരുന്നു അദ്ദേഹം. സ്ഥിരവും ന്യായവുമായ വില നിലനിർത്തേണ്ടതിന്റെ പ്രാധാന്യവും ചൂണ്ടിക്കാട്ടി.
പുതിയ നയം ഉൽപാദകർക്കും ഉപഭോക്താക്കൾക്കും വിതരണക്കാർക്കും ഒരേപോലെ ഗുണകരമാകുന്നതായിരിക്കും. നിലവിൽ അവശ്യ സാധനങ്ങൾക്ക് ഗവര്ണ്മെന്റ് വില നിയന്ത്രണം ഏർപ്പെടുത്തിയിട്ടുണ്ട്. നിശ്ചിത ഉൽപന്നങ്ങൾക്ക് സർക്കാർ അനുമതിയോടെയല്ലാതെ വില വർധിപ്പിക്കാനാവില്ല. ഈ നിയമം കൂടുതൽ ഫലപ്രദമായി നടപ്പാക്കുന്നതിനെ കുറിച്ച് ചർച്ച ചെയ്യും.
അവശ്യസാധനങ്ങളുടെ വില വർധിപ്പിക്കാൻ യാതൊരു നീക്കവുമില്ലെന്ന് സാമ്പത്തിക കാര്യ മന്ത്രാലയത്തിലെ മോണിറ്ററിങ് ആൻഡ് ഫോളോവിങ് അപ് അസിസ്റ്റന്റ് അണ്ടർ സെക്രട്ടറി അബ്ദുല്ല അൽ ഷംസി പറഞ്ഞു. നീതീകരിക്കാത്ത രീതിയിൽ വിലവർധിക്കുന്നില്ലെന്ന് ഉറപ്പാക്കുമെന്നും അദ്ദേഹം കൂട്ടിചേർത്തു. കഴിഞ്ഞ മാസം മുട്ട ഉൾപെടെയുള്ള കോഴി ഉൽപന്നങ്ങൾക്ക് 13 ശതമാനം വില വർധിപ്പിക്കാൻ ഗവര്ണ്മെന്റ് അനുമതി നൽകിയിരുന്നു.
ആറ് മാസത്തേക്കാണ് വില വർധനക്ക് അനുമതി നൽകിയത്. ഉദ്പാദന ചെലവ് വർധിച്ചതിനാൽ വിവിധ സ്ഥാപനങ്ങളും ഫാമുകളും നിരന്തരമായി നൽകിയ അപേക്ഷയെ തുടർന്നാണ് വില വർധനവിന് അനുമതി നൽകിയതെന്ന് സാമ്പത്തിക കാര്യമന്ത്രാലയം വ്യക്തമാക്കി. ആറ് മാസത്തിന് ശേഷം ഇത് പുനഃപരിശോധിക്കും.
എന്നാൽ റമസാനിൽ വില വർധന നടപ്പിലായത് സാധാരണക്കാരെ പ്രയാസപ്പെടുത്തിയതായും സൂചിപ്പിച്ചു. ഏതാനും ചില ബ്രാൻഡുകളിലുള്ളവയ്ക്ക് മാത്രമാണ് വില വർധനയെന്നും ചൂണ്ടിക്കാട്ടി.അന്യായ വിലവർധന തടയാനും കുത്തക സമ്പ്രദായങ്ങളെ പ്രതിരോധിക്കാനുമുള്ള നടപടി ശക്തിപ്പെടുത്തും. പാചക എണ്ണ, മുട്ട, പാൽ, അരി, പഞ്ചസാര, ഫ്രഷ് ഇറച്ചി, റൊട്ടി, മൈദ, പയർ, ചെറുപയർ, ബീൻസ്, ശുചീകരണ ഉൽപന്നങ്ങൾ തുടങ്ങി ഉൾപ്പെടെ അവശ്യ വസ്തുക്കൾക്ക് വില നിയന്ത്രണം ഏർപ്പെടുത്തുമെന്നും പറഞ്ഞു.
https://www.facebook.com/Malayalivartha