ഉംറ നിർവഹിക്കാനായി മാതാവിനും സഹോദരങ്ങള്ക്കുമൊപ്പം നാട്ടിൽ നിന്നെത്തി, സൗദിയിൽ കുഴഞ്ഞ് വീണ് ചികിത്സയിൽ കഴിയവെ മലയാളി ബാലൻ മരിച്ചു
നാട്ടിൽ നിന്ന് കുടുംബത്തോടൊപ്പം ഉംറ നിർവഹിക്കാനെത്തിയ ഒമ്പത് വയസുകാരൻ മരിച്ചു. കോഴിക്കോട് മുക്കം കാരശ്ശേരി കക്കാട് സ്വദേശി മുക്കൻതൊടി അബ്ദുല്റഹ്മാൻ ആണ് മരിച്ചത്. കോഴിക്കോട് ചേന്ദമംഗല്ലൂര് ഹെവന്സ് ആന്റ് ഹാബിറ്റ്സ് അക്കാദമിയിലെ രണ്ടാം ക്ലാസ് വിദ്യാര്ത്ഥിയായിരുന്നു.
തിങ്കളാഴ്ച ഉംറ നിർവഹിച്ച് റൂമിലെത്തി വിശ്രമം കഴിഞ്ഞു മസ്ജിദുൽ ഹറമിലേക്ക് മഗ്രിബ് നമസ്കാരത്തിനായി നടക്കവെ കുഴഞ്ഞു വീഴുകയായിരുന്നു.ഉടൻ മക്ക കിങ് അബ്ദുൽ അസീസ് ആശുപത്രിയിലും തുടർന്ന് മെറ്റേണിറ്റി ആൻഡ് ചിൽഡ്രൻ ആശുപത്രിയിലേക്ക് മാറ്റിയെങ്കിലും ചികിത്സക്കിടെ മരണം സംഭവിക്കുകയായിരുന്നു.
മാതാവ് ചക്കിപ്പറമ്പൻ കുരുങ്ങനത്ത് ഖദീജ, സഹോദരൻ, സഹോദരിമാർ എന്നിവരോടൊപ്പം തിങ്കളാഴ്ച പുലര്ച്ചെയാണ് അബ്ദുറഹ്മാന് മക്കയിലെത്തിയത്.സൗദി അറേബ്യയിലെ ഹാഇലിൽ പിതാവായ നാസർ ജോലിചെയ്യുകയാണ്.
മെറ്റേനിറ്റി ആൻഡ് ചിൽഡ്രൻ ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടികൾ പൂർത്തിയാക്കി മക്കയിൽ ഖബറടക്കുമെന്ന് ബന്ധപ്പെട്ടവർ അറിയിച്ചു. നിഷാല്, വഫ, റഫ, റൈഫ എന്നിവര് സഹോദരങ്ങളാണ്.
https://www.facebook.com/Malayalivartha