ഗൾഫ് രാഷ്ട്രത്തിലെത്തി അനധികൃത മദ്യ നിര്മാണം, താമസ സ്ഥലം കേന്ദ്രീകരിച്ച് മദ്യ നിര്മാണം നടത്തിയ സ്ത്രീകള് ഉള്പ്പെടെ നിരവധി പ്രവാസികൾ അറസ്റ്റിൽ
ഗൾഫ് രാജ്യങ്ങളിലെത്തി അനധികൃത പ്രവർത്തനങ്ങളിൽ ഏർപ്പെട്ട് പിടിയിലാകുന്ന പ്രവാസികളുടെ വാർത്തകൾ അടുത്തിടെയായി പുറത്തുവരുന്നുണ്ട്. നിയമ വിരുദ്ധമായി ഇത്തരം പ്രവർത്തനങ്ങളിൽ ഏർപ്പെടുന്നവർക്കെതിരെ കടുത്ത നടപടികളാണ് സ്വീകരിക്കുന്നത്. ഇപ്പോൾ താമസ സ്ഥലം കേന്ദ്രീകരിച്ച് മദ്യ നിര്മാണം നടത്തിയ പ്രവാസികള് പിടിയിലായിരിക്കുകയാണ്.
സ്ത്രീകള് ഉള്പ്പെടെ നിരവധി പ്രവാസികളെയാണ് ഇവിടെ നിന്ന് അറസ്റ്റ് ചെയ്തത്. കുറച്ചൊന്നുമല്ല വന്തോതിലാണ് ഇവർ മദ്യ നിര്മാണം നടത്തിവന്നത്. കുവൈത്തിലെ സബാഹ് അല് സലീം ഏരിയയില് ആണ് സംഭവം. പിടിയിലായവർ ഏത് രാജ്യക്കാരണെന്നത് സംബന്ധിച്ച് വിവരങ്ങൾ പുറത്തുവന്നിട്ടില്ല. ആഭ്യന്തര മന്ത്രാലയത്തിലെ ഉദ്യോഗസ്ഥര് നടത്തിയ റെയ്ഡിലാണ് ഇത് അനധികൃത മദ്യ നിര്മാണം കണ്ടെത്തിയത്.
ഒരു കുവൈത്തി പൗരനാണ് ഇത് സംബന്ധിച്ച വിവരം അധികൃതര്ക്ക് നല്കിയത്. തുടര്ന്ന് രഹസ്യമായി അന്വേഷണം നടത്തിയ ശേഷം ഇവിടെ റെയ്ഡ് ചെയ്യുകയായിരുന്നു. ഈ സമയം ഇവിടെയുണ്ടായിരുന്ന നിരവധി പ്രവാസികളെ ഉദ്യോഗസ്ഥര് അറസ്റ്റ് ചെയ്തു.
മദ്യ നിര്മാണത്തിനുള്ള അസംസ്കൃത വസ്തുക്കള് നിരവധി ബാരലുകളില് നിറച്ചത് ഇവിടെ ഉണ്ടായിരുന്നു. നിര്മാണം പൂര്ത്തിയായ മദ്യക്കുപ്പികള്, മദ്യ നിര്മാണത്തിന് ഉപയോഗിച്ചിരുന്ന ഉപകരണങ്ങള് എന്നിങ്ങനെയുള്ള നിരവധി സാധനങ്ങളും ഇവിടെ നിന്ന് പിടിച്ചെടുത്തു. അറസ്റ്റിലായ വ്യക്തികളെയും പിടിച്ചെടുത്ത സാധനങ്ങളും തുടര് നടപടികള്ക്കായി ബന്ധപ്പെട്ട വിഭാഗങ്ങള്ക്ക് കൈമാറി.
https://www.facebook.com/Malayalivartha