അവധിയും കിട്ടും ശമ്പളവും പോക്കറ്റിൽ, യുഎഇയിൽ പെരുന്നാൾ പ്രമാണിച്ച് എല്ലാ സർക്കാർ ജീവനക്കാർക്കും ശമ്പളത്തോടുകൂടിയ അവധി
യുഎഇയിലെ പ്രവാസികൾ ഈ പൊരുന്നാളിന് ഇരട്ടി സന്തോഷത്തിലാണ്. പെരുന്നാൾ പ്രമാണിച്ച് എല്ലാ സർക്കാർ ജീവനക്കാർക്കും ശമ്പളത്തോടുകൂടിയ അവധിയാണ് ഭരണകൂടം പ്രഖ്യാപിച്ചിരിക്കുന്നത്. റമസാൻ 29 മുതൽ ശവ്വാൽ 3 വരെ എല്ലാ സർക്കാർ ജീവനക്കാർക്കുള്ള അവധി. ഫെഡറൽ അതോറിറ്റി ഫോർ ഗവൺമെന്റ് ഹ്യൂമൻ റിസോഴ്സസ് പുറപ്പെടുവിച്ച സർക്കുലറിലാണ് അവധി പ്രഖ്യാപിച്ചിരിക്കുന്നത്.
റമസാൻ ഈ വർഷം 29 ദിവസമായിരിക്കുമെന്നാണ് കരുതുന്നത്. അതനുസരിച്ച് പെരുന്നാൾ അവധി ഏപ്രിൽ 20 ന് ആരംഭിക്കും. ഇസ്ലാമിക കലണ്ടറിലെ പത്താം മാസമാണ് ശവ്വാൽ. പെരുന്നാൾ ആരംഭിക്കുന്ന കൃത്യമായ തീയതി ഇതുമായി ബന്ധപ്പെട്ട പ്രത്യേക സമിതിയാണ് തീരുമാനിക്കുക. റമസാൻ 30 ദിവസവും ലഭിക്കുകയാണെങ്കിൽ ജീവനക്കാർക്ക് അഞ്ച് ദിവസത്തെ അവധി ലഭിക്കും. അങ്ങനെയെങ്കിൽ ഇൗ മാസം 25 നു തിരികെ ജോലിയിൽ പ്രവേശിക്കണം. റമസാൻ 29 ദിവസമാണെങ്കിൽ പെരുന്നാൾ അവധി നാലുദിവസം നീണ്ടുനിൽക്കും.
മാത്രമല്ല, യുഎഇയിൽ ചെറിയ പെരുന്നാളിന് മുന്നോടിയായി ജീവനക്കാർക്ക് ശമ്പളവും ഇത്തവണ നേരത്തെ ലഭിക്കും. ഫെഡറല് സര്ക്കാര് ജീവനക്കാര്ക്കാണ് ശമ്പളം ഇത്തവണ നേരത്തെ കിട്ടുക. യുഎഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന് റാഷിദ് അല് മക്തൂമിന്റെതാണ് ഈ തീരുമാനം. ശമ്പളം നേരത്തെ നല്കാന് സര്ക്കാര് വകുപ്പുകള്ക്ക് അദ്ദേഹം നിര്ദേശം നല്കി കഴിഞ്ഞു. ഇതുപ്രകാരം ഈ മാസത്തെ ശമ്പളം ഏപ്രില് 17 തിങ്കളാള്ച വിതരണം ചെയ്യും.
വരാനിരിക്കുന്ന ചെറിയ പെരുന്നാള് ആഘോഷങ്ങള്ക്കു വേണ്ടി ജീവനക്കാര്ക്ക് തയ്യാറെടുക്കുന്നതിനും നീണ്ട അവധിക്കാലം ആഘോഷിക്കുന്നതിനും വേണ്ടിയാണ് സര്ക്കാര് തലത്തില് ഇത്തരമൊരു തീരുമാനമെടുത്തത്. യുഎഇയില് ഈ വര്ഷം മാര്ച്ച് 23നാണ് റമദാന് വ്രതാനുഷ്ഠാനം ആരംഭിച്ചത്. റമദാനില് 29 നോമ്പുകള് പൂര്ത്തിയാവുന്ന ദിവസം മാസപ്പിറവി ദൃശ്യമാവുകയാണെങ്കില് അതിന്റെ പിറ്റേ ദിവസമോ അതല്ലെങ്കില് റമദാനില് 30 നോമ്പുകള് പൂര്ത്തിയാക്കിയ ശേഷം തൊട്ടടുത്ത ദിവസമോ ആയിരിക്കും ചെറിയ പെരുന്നാള് ആഘോഷിക്കുക.
https://www.facebook.com/Malayalivartha