യുഎഇയിൽ പെരുന്നാൾ ദിനത്തിലുണ്ടായ വാഹനാപകടത്തിൽ പാലക്കാട് സ്വദേശി മരിച്ചു. തൃത്താല പരുദൂര്‍ പഞ്ചായത്തിലെ കരുവാന്‍പടി ചൊഴിയാംപറമ്പത്ത് സുബീഷ് ആണ് അബുദാബി ബനിയാസിലുണ്ടായ വാഹനാപകടത്തില്‍ മരിച്ചത്. 36 വയസായിരുന്നു. അബുദാബിയിൽ ആശാരിയായി ജോലി ചെയ്യുകയാണ് മരിച്ച സുബീഷ്.ഈ വരുന്ന ഒക്ടോബറില്‍ ആണ് വിവാഹം നടത്താൽ നിശ്ചയിച്ചിരിക്കുന്നത്. ഇതിന്റെ ഇടയിൽ ആണ് മരണം കവർന്നത്.

കൂടെ ഉണ്ടായിരുന്ന മൂന്ന് പേർക്ക് പരിക്കേറ്റു. ഇതിൽ ഒരാളുടെ നില ഗുരുതരമാണ്. എറണാകുളം പിറവം സ്വദേശി വെട്ടുകല്ലുങ്കൽ റോബിൻ ജോസഫി ആണ് ഗുരുതര പരിക്കുകളോടെ ആശുപത്രിയിൽ കഴിയുന്നത്. അബുദാബി ഷെയ്ഖ് ഷഖ്ബൂത്ത് മെഡിക്കല്‍ സിറ്റി ആശുപത്രിയില്‍ ആണ് ഇപ്പോൾ ഇദ്ദേഹം കഴിയുന്നത്. സുബീഷിന്റെ മൃതദേഹം നടപടികള്‍ പൂര്‍ത്തിയാക്കി നാട്ടിലെത്തിച്ച് സംസ്കരിക്കാൻ ആണ് തീരുമാനിച്ചിരിക്കുന്നത്.ഇതിന് വേണ്ടിയുള്ള ശ്രമങ്ങൾ നടന്നു കൊണ്ടിരിക്കുകയാണെന്ന് ബന്ധുക്കൾ അറിയിച്ചു.