യുഎഇയിൽ ബോട്ട് അപകടത്തിൽപ്പെട്ട് മലയാളി യുവാവ് മരിച്ചു. നീലേശ്വരം അനന്തംപള്ളയിലെ വിജയന്റെയും ശ്യാമളയുടെയും മകനായ വി.വി.അഭിലാഷ് (38) ആണു മരിച്ചത്. ഒരു കുട്ടി ഉൾപ്പെടെ 3 മലയാളികൾക്കു പരുക്കേറ്റു. തിരുവനന്തപുരം സ്വദേശിയായ കുട്ടിയുടെ നില ഗുരുതരമാണ്. 7 വർഷമായി ഷാർജയിൽ ജോലി ചെയ്യുന്ന അഭിലാഷ് സ്വകാര്യ കമ്പനിയിൽ ജീവനക്കാരനാണ്.

അവധിയാഘോഷിക്കാൻ കൂട്ടുകാർക്കൊപ്പം ഖോർഫക്കാനിൽ എത്തിയതായിരുന്നു .പരുക്കേറ്റ മറ്റു രണ്ടു പേരും സഹപ്രവർത്തകരാണ്. ഇവരുൾപ്പടെ 18 പേർ ബോട്ടിലുണ്ടായിരുന്നാണ് പ്രാഥമിക വിവരം. അഭിലാഷിന്റെ ഭാര്യ:അശ്വതി കാസർകോട്. മകൾ: അഭയ. സഹോദരൻ: അജീഷ്.