നിരവധി പേരാണ് സന്ദർശക വിസയിൽ യുഎഇയിൽ എത്തുന്നത്. എന്നാൽ വിസ കാലാവധി കഴിഞ്ഞു രാജ്യത്ത് താമസിക്കുന്നവർക്കെതിരെ കർശന മുന്നറിയിപ്പ് നൽകിയിട്ടുണ്ട്. ഇതിൽ മാറ്റമൊന്നുമില്ല. എന്നാൽ സന്ദർശക വിസയിലെത്തി കാലാവധികഴിഞ്ഞും മടങ്ങാൻ സാധിക്കാത്തവർക്ക് ഗ്രേസ് പിരീഡിന്‍റെ ആനുകൂല്യം ലഭിക്കും. വിസ കാലാവധി കഴിഞ്ഞുള്ള 10 ദിവസം മാത്രമായിരിക്കും ഇതിന്റെ കാലാവധി. എന്നാൽ ഗ്രേസ് പീരിയഡ് ദുബായിലുള്ള വിസിറ്റ് വിസക്കാർക്ക് മാത്രമേ ലഭിക്കുകയുള്ളു.

30, 60 ദിവസ വിസക്കാർക്ക് ഗ്രേസ് പിരീഡ് ആനുകൂല്യം വഴി 10 ദിവസം കൂടി രാജ്യത്ത്തങ്ങാൻ കഴിയും.എന്നാൽ, ഗ്രേസ് പിരീഡിന്‍റെ ആനുകൂല്യം ലഭിക്കണമെങ്കിൽ ദുബൈ വിമാനത്താവളം വഴി യാത്ര ചെയ്യണം എന്ന നിബന്ധനയുമുണ്ട്. ഷാർജ, അബൂദബി ഉൾപ്പെടെ മറ്റ് വിമാനത്താവളങ്ങൾ വഴി യാത്ര ചെയ്യുന്നവർക്ക് ഗ്രേസ് പിരീഡിന്‍റെ ആനുകൂല്യം ലഭിക്കില്ല. ഈ വിസക്കാർ വിമാനം ഇറങ്ങുന്നതും തിരികെ പോകുന്നതും ദുബൈ വിമാനത്താവളം വഴി തന്നെയായിരിക്കണം എന്നും നിബന്ധനയുണ്ട്.

മറ്റ് വിമാനത്താവളങ്ങളിൽ വന്നിറങ്ങിയ ശേഷം ദുബൈ വഴി തിരിച്ചു പോയാലും ഗ്രേസ് പിരീഡ് ആനുകൂല്യം ലഭിക്കില്ല. വിസ കാലാവധി കഴിഞ്ഞ ശേഷം നിൽക്കുന്ന ഓരോദിവസത്തിനും പിഴ അടക്കേണ്ടി വരും. ഒരു ദിവസം അധികം തങ്ങിയാൽ 300 ദിർഹമും തുടർന്നുള്ള ഓരോ ദിവസങ്ങളിലും 50 ദിർഹം വീതവുമാണ് പിഴ അടക്കേണ്ടത്. പിഴ അടച്ചു രക്ഷപ്പെടാൻ മാത്രം സാധിക്കില്ല. ഇവരെ ബ്ലാക്ക് ലിസ്റ്റിൽ ഉൾപ്പെടുത്തുകയും ചെയ്യും. പലരും വിമാനത്താവളത്തിൽ എത്തുമ്പോൾ ആണ് സംഭവം അറിയുന്നത്.

പിന്നീട് പണം കടം വാങ്ങി പിഴ അടക്കും. 10 ദിവസം അധികം തങ്ങുന്നവർക്ക് ഏകദേശം 700 ദിർഹമിന്‍റെ മുകലിൽ പണം അടക്കേണ്ടി വരും. ഗ്രേസ് പീരിയഡിനെ കുറിച്ച് അറിവില്ലാത്തതിനാൽ നിരവധി യാത്രക്കാർ ഇത്തരത്തിൽ അമളി സംഭവിക്കാറുണ്ട്. വിസിറ്റ് വിസയിൽ എത്തുന്നവർ ഗ്രേസ് പീരിയഡി് അനുകൂല്യം ലഭിക്കുന്നതിനുള്ള കാര്യങ്ങൾ ചെയ്യണമെന്ന് അധികൃതർ‍ അറിയിച്ചു. ഗ്രേസ് പിരീഡിനെ കുറിച്ച് അറിവില്ലാത്തതിനാൽ നിരവധി യാത്രക്കാർ ഇത്തരത്തിൽ വിമാനത്താവളത്തിൽ കുടുങ്ങുന്നതായാണ് ട്രാവൽ രംഗത്തുള്ളവർ വ്യക്തമാക്കുന്നത്.

അതേസമയം റസിഡന്‍സി വിസ ക്യാന്‍സലായതിന് ശേഷം യുഎഇയില്‍ തങ്ങാവുന്ന ഗ്രേസ് കാലാവധി അധികൃതര്‍ വര്‍ധിപ്പിച്ചിരുന്നു. മിക്ക വിസകളുടെ കാര്യത്തിലും 60 മുതല്‍ 180 ദിവസം വരെയാണ് ഗ്രേസ് കാലാവധി വര്‍ദ്ധിപ്പിച്ചിട്ടുള്ളത്. നേരത്തേ ഇത് 30 ദിവസമായിരുന്നു. വിസ കാലാവധി കിഴിഞ്ഞതിന് ശേഷമുള്ള ഗ്രേസ് കാലാവധിക്കുള്ളില്‍ പ്രവാസികള്‍ ഒന്നുകില്‍ രാജ്യം വിടുകയോ അല്ലെങ്കില്‍ പുതിയ വിസയിലേക്ക് മാറുകയോ ചെയ്യണം എന്നതാണ് യുഎഇയിലെ നിയമം.

ഗ്രേസ് കാലാവധി വർദ്ധിപ്പിച്ചതോടെ രാജ്യം വിടാനും പുതിയ വിസയിലേക്ക് മാറാനും കൂടുതല്‍ സമയം ലഭിക്കും. എന്‍ട്രി, റെസിഡന്‍സി വിസകളുമായി ബന്ധപ്പെട്ട വ്യാപകമായ പരിഷ്‌കാരങ്ങള്‍ യുഎഇ നടപ്പിലാക്കിയ സാഹചര്യത്തിലാണ് ഗ്രേസ് കാലാവധി വര്‍ധിപ്പിച്ചു കൊണ്ടുള്ള തീരുമാനം നടപ്പിലാക്കിയത്.