ബഹ്റൈനിൽ വാഹനാപകടം, മലയാളി യുവാവ് മരിച്ചു
ബഹ്റൈനിലുണ്ടായ വാഹനാപകടത്തില് മലയാളി യുവാവ് മരിച്ചു. 31 വയസുകാരനാണ് മരിച്ചത്. വെള്ളിയാഴ്ച സല്ലാഖിലായിരുന്നു അപകടം. ശൈഖ് ഖലീഫ ബിന് സല്മാന് ഹൈവേയില് സല്ലാഖിലേക്കുള്ള ദിശയില് യുവാവ് ഓടിച്ചിരുന്ന ബൈക്ക്, റോഡരികിലെ മെറ്റല് ബാരിയറിലേക്ക് ഇടിച്ചുകയറിയാണ് അപകടമുണ്ടായത്. പൊലീസും ആംബുലന്സ് സംഘവും ഉള്പ്പെടെ സ്ഥലത്തെത്തി തുടര് നടപടികള് സ്വീകരിച്ചു.
അതേസമയം, ബഹ്റൈനില് ഹൃദയാഘാതം മൂലം ആലപ്പുഴ സ്വദേശി മരിച്ചു. 30 വര്ഷമായി അദ്ദേഹം ബഹ്റൈനില് ജോലി ചെയ്തു വരികയായിരുന്ന ചാക്കോ തോമസ് (55) ആണ് മരിച്ചത്. ഹൃദയാഘാതത്തെ തുടര്ന്ന് സല്മാനിയ ആശുപത്രിയിലേക്ക് കൊണ്ടുപോയെങ്കിലും വഴിമദ്ധ്യേ മരണപ്പെടുകയായിരുന്നു.
മില്മ ഗ്രെയിന്സ് ജീവനക്കാരനായിരുന്നു. ആലപ്പുഴ മാന്നാര് സ്വദേശികളായ ചാക്കോയുടെ കുടുംബം വര്ഷങ്ങളായി ഹൈദരാബാദിലാണ് താമസിക്കുന്നത്. സല്മാനിയ ആശുപത്രിയില് നഴ്സ് ആയ എസ്തര് ആണ് ഭാര്യ. മൂന്ന് മക്കളുണ്ട്. ഇവര് ഹൈദരാബാദില് വിദ്യാര്ത്ഥികളാണ്.
https://www.facebook.com/Malayalivartha
