ദുബൈക്കാർക്ക് വളരെ വ്യത്യസ്തമായ ഒരു ഓഫർ .. ഗിന്നസ് വേള്‍ഡ് റെക്കോര്‍ഡിന്റെ ഭാഗമാകാന്‍ ആഗ്രഹമുള്ളവരോട് ഈ വരുന്ന ശനിയാഴ്ച സബീല്‍ പാര്‍ക്കില്‍ എത്താനാണ് ദുബൈ മുനിസിപ്പാലിറ്റി ആവശ്യപ്പെടുന്നത്..!
ദുബൈക്കാർക്ക് വളരെ വ്യത്യസ്തമായ ഒരു ഓഫർ ആണ് ദുബൈ മുനിസിപ്പാലിറ്റി ഇപ്പോൾ നൽകുന്നത് .. ഗിന്നസ് വേള്‍ഡ് റെക്കോര്‍ഡിന്റെ ഭാഗമാകാന്‍ ആഗ്രഹമുള്ളവരോട് ഈ വരുന്ന ശനിയാഴ്ച സബീല്‍ പാര്‍ക്കില്‍ എത്താനാണ് ദുബൈ മുനിസിപ്പാലിറ്റി ആവശ്യപ്പെടുന്നത്
സബീല്‍ പാര്‍ക്കില്‍ ഈ ശനിയാഴ്ച 2,000-ത്തിലധികം വ്യക്തികള്‍ പങ്കെടുക്കുന്ന അന്താരാഷ്ട്ര യോഗ പരിപാടി നടക്കുകയാണ് . ദുബൈ സ്‌പോര്‍ട്‌സ് കൗണ്‍സിലിന്റെ ആഭിമുഖ്യത്തില്‍ വിവിധ പങ്കാളികളുടെ സഹകരണത്തോടെയാണ് പരിപാടി നടത്തുന്നത് . ഏറ്റവും കൂടുതല്‍ രാജ്യങ്ങളില്‍ നിന്നുള്ളവര്‍ പങ്കെടുക്കുന്ന പരിപാടി എന്ന ഗിന്നസ് വേള്‍ഡ് റെക്കോര്‍ഡ് സ്ഥാപിക്കാനുള്ള ശ്രമത്തിലാണ് അധികൃതര്‍. ആരോഗ്യത്തിനും ക്ഷേമത്തിനും വേണ്ടി ലോകത്തെ ഒന്നിപ്പിക്കുക എന്ന ലക്ഷ്യത്തോടെ ദുബൈ ഫ്രെയിം ആംഫി തിയേറ്ററിലെ സബീല്‍ പാര്‍ക്കില്‍ നടക്കുന്ന പ്രധാന പരിപാടിയുടെ മുന്നോടിയായി നിരവധി പരിപാടികള്‍ ഒരുക്കിയിട്ടുണ്ട്
പാര്‍ക്കില്‍ മൂവായിരത്തിലധികം പേര്‍ക്ക് യോഗ പരിശീലിക്കുന്നതിനുള്ള ക്രമീകരണങ്ങള്‍ ഏര്‍പ്പെടുത്തിയതായി അധികൃതര്‍ തിങ്കളാഴ്ച വാര്‍ത്താസമ്മേളനത്തില്‍ അറിയിച്ചു. കുടുംബങ്ങളോട് കുട്ടികളുമൊത്ത് പോലും പരിപാടിയില്‍ സംബന്ധിക്കാന്‍ സംഘാടകര്‍ അഭ്യര്‍ഥിച്ചിട്ടുണ്ട്. പാര്‍ക്കിന്റെ വിവിധ കവാടങ്ങളില്‍ 200-ലധികം സന്നദ്ധപ്രവര്‍ത്തകര്‍ പങ്കെടുക്കും. എല്ലാവര്ക്കും വിശാലമായ പാര്‍ക്കിംഗ് ലഭ്യമാണ്.
ജനങ്ങള്‍ക്ക് ദുബൈ മെട്രോ ഉപയോഗിക്കാം. പുതിയ ലോക റെക്കോര്‍ഡ് സൃഷ്ടിക്കാന്‍ ലക്ഷ്യമിട്ടുള്ള പരിപാടിയില്‍ പങ്കെടുക്കാന്‍ താല്‍പര്യം പ്രകടിപ്പിക്കുന്ന സന്ദര്‍ശകര്‍ക്ക് വൈകുന്നേരങ്ങളില്‍ പാര്‍ക്കിലേക്ക് സൗജന്യ പ്രവേശനം ദുബൈ മുനിസിപ്പാലിറ്റി ഒരുക്കിയിട്ടുണ്ട്. യോഗയ്ക്കുള്ള മാറ്റുകള്‍ കൊണ്ടുപോകേണ്ടതില്ല.
സബീല്‍ പാര്‍ക്കില്‍ വൈകുന്നേരം നാല് മണിക്ക് ചടങ്ങുകള്‍ ആരംഭിക്കും. സൂര്യന്‍ അസ്തമിച്ചതിന് ശേഷം എല്ലാ തലത്തിലുള്ള യോഗ പ്രേമികള്‍ക്കും 60 മിനിറ്റ് യോഗ സെഷനില്‍ ഭാഗമാവാം. പങ്കെടുക്കാന്‍ ആഗ്രഹിക്കുന്നവര്‍ ഓൺലൈൻ ആയി ദുബായ് മുനിസിപ്പാലിറ്റിയുടെ സൈറ്റിൽ കയറി രജിസ്റ്റർ ചെയ്യാം. അല്ലെങ്കിൽ കൗണ്ടറുകളിൽ നേരിട്ട് എത്തിയും രജിസ്റ്റർ ചെയ്യാവുന്നതാണ് ..ഓൺലൈൻ സൈറ്റ് ഡിസ്ക്രിപ്ഷനിൽ കൊടുത്തിട്ടുണ്ട്
ഇരുപത്തിരണ്ടാമത് എയർപോർട്ട് ഷോ 2023 ആണ്മെ ദുബായിൽ ഈ ആഴ്ച പങ്കെടുക്കാവുന്ന പ്രധാന പ്പെട്ട മറ്റൊരു സംഭവം .. ദുബായ് സിവിൽ ഏവിയേഷൻ അതോറിറ്റി പ്രസിഡണ്ടും, ദുബായ് എയർപോർട്ട്‌സ് ചെയർമാനുമായ H.H. ഷെയ്ഖ് അഹ്മദ് ബിൻ സയീദ് അൽ മക്തൂം എയർപോർട്ട് ഷോ 2023 ഉദ്ഘാടനം ചെയ്തു. ആഗോളതലത്തിലെ തന്നെ ഏറ്റവും വലിയ എയർപോർട്ട് എക്‌സിബിഷനുകളിലൊന്നായ എയർപോർട്ട് ഷോയിൽ വിമാനത്താവള ഡിജിറ്റലൈസേഷൻ മേഖലയിലെ ഏറ്റവും നവീന ആശയങ്ങൾ, സുസ്ഥിരതയിലൂന്നിയുള്ള സാങ്കേതികവിദ്യകൾ എന്നിവ അവതരിപ്പിക്കപ്പെടുന്നതാണ്. എയർപോർട്ട് ഷോ 2023 മെയ് 9 മുതൽ മെയ് 11 വരെ നീണ്ട് നിൽക്കും. ദുബായ് വേൾഡ് ട്രേഡ് സെന്ററിൽ വെച്ചാണ് എയർപോർട്ട് ഷോ സംഘടിപ്പിക്കുന്നത്
വിമാനത്താവള വ്യവസായം ലോകമെമ്പാടും അതിന്റെ നഷ്ടപ്പെട്ട വളർച്ച വീണ്ടെടുത്തതായും, പൂർണ്ണശക്തിയിലേക്ക് തിരികെ എത്തിയതായും മേള ഉദ്ഘാടനം ചെയ്തുകൊണ്ട് H.H. ഷെയ്ഖ് അഹ്മദ് ബിൻ സയീദ് അൽ മക്തൂം അറിയിച്ചു. തുടർന്ന് അദ്ദേഹം ഈ പ്രദർശനത്തിലെ വിവിധ പവലിയനുകൾ സന്ദർശിച്ചു. ഇരുപതിലധികം രാജ്യങ്ങളിൽ നിന്നുള്ള ഇരുനൂറോളം പ്രദർശകർ ഈ എക്സിബിഷനിൽ പങ്കെടുക്കുന്നുണ്ട്. ഇത്തവണത്തെ എയർപോർട്ട് ഷോയുടെ ഭാഗമായി വിമാനത്താവളങ്ങളിൽ ഉപയോഗിക്കുന്ന പരിസ്ഥിതി സൗഹൃദ ഗ്രൗണ്ട് ഹാൻഡ്ലിംഗ് ഉപകരണങ്ങളുടെ പ്രത്യേക പ്രദർശനം ഉണ്ടായിരിക്കുന്നതാണ്.
ഈ രണ്ടു പരിപാടികളിലും ദുബായിൽ ഉള്ള പ്രവാസികൾക്ക് പങ്കെടുക്കാം എല്ലാവര്ക്കും വളരെ ആരോഗ്യപ്രദവും ഒപ്പം വിജ്ഞാനപ്രദവുമായ ഒരു വീക്കെൻഡ് ആശംസിക്കുന്നു ...
https://www.facebook.com/Malayalivartha
