പ്രവാസികൾക്ക് കനത്ത മുന്നറിയിപ്പുമായി എത്തിയിരിക്കുകയാണ് യുഎഇ. കൊലയാളി തിമിംഗലങ്ങളുടെ സാന്നിധ്യം യുഎഇ കടൽ തീരത്ത്  കണ്ടെത്തിയതിനെ തുടർന്ന് 2 ദിവസത്തേക്ക് കടലിൽ നീന്തരുതെന്നാണ് ജാഗ്രതാ നിർദേശം. അബുദാബിയിലും ദുബായിലുമാണ് ഇത്തരമൊരു ജാഗ്രത നിർദ്ദേശം അധികൃതർ പുറപ്പെടുവിച്ചത്. നക്ഷത്ര ഹോട്ടലുകൾ സമീപത്തെ ബീച്ച് വെള്ളിയാഴ്ച വരെ അടച്ചിടുമെന്നും അറിയിച്ചു.

ചൊവ്വ, ബുധൻ ദിവസങ്ങളിലാണ് 2 ഓർക്കസുകളെ കണ്ടെത്തിയത്. ഇതേ തുടർന്ന് ബീച്ചുകളിൽ നീന്തൽ നിർത്തിവയ്ക്കാൻ അബുദാബി സാംസ്കാരിക, വിനോദസഞ്ചാര വകുപ്പിലെ പരിസ്ഥിതി ആരോഗ്യ സുരക്ഷാ വകുപ്പ് മുന്നറിയിപ്പ് നൽകി. ഓർക്കസുമായി സുരക്ഷിത അകലം പാലിക്കണമെന്നും ഇവയെ കണ്ടെത്തിയാൽ 800 555 എന്ന നമ്പറിൽ അറിയിക്കണമെന്നും അഭ്യർഥിച്ചു.

കഴിഞ്ഞ ദിവസം അബുദാബി തീരക്കടലില്‍ മീന്‍ പിടിക്കുന്നവരാണ് തിമിംഗലങ്ങളുടെ സാന്നിധ്യം അധികൃതരെ അറിയിച്ചത്. കടലില്‍ പോകുന്നവര്‍ തിമിംഗലങ്ങളുടെ സമീപത്തേക്ക് പോകരുതെന്നും അധികൃതര്‍ മുന്നറിയിപ്പ് നല്‍കി.