യുഎഇയിൽ താമസസ്ഥലത്തെ കെട്ടിടത്തിൽ നിന്ന് ചാടി മരിച്ചത് മലയാളി വിദ്യാർഥിനി, സംഭവമറിഞ്ഞയുടൻ സ്ഥലത്തെത്തിയ അമ്മയെ പൊലീസ് കസ്റ്റഡിയിലെടുത്തു, സ്കൂളിൽ നിന്ന് ഫ്ലാറ്റിലെത്തിയ പന്ത്രണ്ട് വയസുകാരി ചെയ്തത്
യുഎഇയിൽ കഴിഞ്ഞ ദിവസമാണ് പന്ത്രണ്ട് വയസുകാരി കെട്ടിടത്തിൽ നിന്ന് വീണ് മരിച്ച വാർത്ത പുറത്തുവന്നത്. ഇപ്പോൾ സംഭവവുമായി ബന്ധപ്പെട്ട് കൂടുതൽ വിവരങ്ങൾ പുറത്തുവരികയാണ്. ഷാർജയിൽ കെട്ടിടത്തിൽ നിന്ന് വീണ് മരിച്ചത് മലയാളി വിദ്യാർഥിനിയാണെന്ന റിപ്പോർട്ടുകളാണ് പുറത്തുവരുന്നത്. ഷാർജ അൽ നഹ് ദയിൽ ബഹുനില റെസിഡൻഷ്യൽ കെട്ടിടത്തിൽ നിന്നാണ് പെൺകുട്ടി വീണ് മരിച്ചത്.
ബുധനാഴ്ച്ച ഉച്ചയ്ക്ക് ശേഷമായിരുന്നു അപകടം. മലയാളികളുൾപ്പെടെ ഒട്ടേറെ ഇന്ത്യക്കാർ താമസിക്കുന്ന കെട്ടിടത്തിമാണിത്. കെട്ടിടത്തിന്റെ 17–ാം നിലയിലാണ് കുട്ടി അമ്മയോടൊപ്പം താമസിച്ചിരുന്നത്. അമ്മ അധ്യപികയായ സ്കൂളിൽ നിന്ന് ഉച്ചയ്ക്ക് രണ്ട് മണിക്ക് ശേഷം താമസ സ്ഥലത്തെത്തിയ കുട്ടി ബാൽക്കണിയിൽ നിന്ന് ചാടി മരിക്കുകയായിരുന്നു എന്നാണ് വിവരം. കുട്ടിയുടെ പിതാവും മറ്റൊരു സഹോദരിയും നാട്ടിലാണ്.
ഒരു വർഷം മുൻപാണ് കുട്ടി അമ്മയുടെ അടുത്തെത്തിയത്. സംഭവമറിഞ്ഞയുടൻ അമ്മ സ്ഥലത്തെത്തി. ഇവരെ പൊലീസ് കസ്റ്റഡിയിലെടുത്തിരുന്നു. ഉടൻ സ്ഥലത്തെത്തിയ പൊലീസ് മൃതദേഹം മോർച്ചറിയിലേക്ക് മാറ്റി. അദ്യം പെൺകുട്ടി ബാൽക്കണിയിൽ നിന്നു വീണുമരിക്കുകയായിരുന്നു എന്നാണ് വിവരം ലഭിച്ചത്.
കുട്ടി ബാൽക്കണിയിൽ നിന്ന് ചാടി മരിക്കുകയായിരുന്നു എന്നാണ് ഇപ്പോൾ ലഭിക്കുന്ന വിവരം. ഇവർ ഏത് രാജ്യക്കാരാണെന്നതടക്കമുള്ള വിവരങ്ങൾ ആദ്യം പൊലീസ് പുറത്തുവിട്ടിരുന്നില്ല. കുട്ടി മലയാളിയാണെന്ന വിവരം പുറത്തുവന്നെങ്കിലും പേരോ മറ്റ് വിവരങ്ങളോ ഒന്നും തന്നെ പുറത്തുവന്നിട്ടില്ല.
https://www.facebook.com/Malayalivartha