ദുബൈയിൽ അവധിയാഘോഷം, മടക്ക യാത്രയ്ക്കിടെ നിനച്ചിരിക്കാതെ എത്തിയ ആ അപകടം എല്ലാം തകിടം മറിച്ചു, പ്രവാസി ദമ്പതികൾക്ക് ദാരുണാന്ത്യം, മൂന്ന് വയസുകാരനായ മകൻ ഗുരുതരാവസ്ഥയിൽ
യുഎഇയിൽ ഉണ്ടായ വാഹനാപകടത്തിൽ ദമ്പതികള്ക്ക് ദാരുണാന്ത്യം. ദുബൈയിലേക്ക് പോകവേ മൂന്നംഗ കുടുംബം സഞ്ചരിച്ചിരുന്ന കാർ അപകടത്തിൽപ്പെടുകയായിരുന്നു. ഇവരുടെ മൂന്ന് വയസുകാരനായ മകനെ ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചിരിക്കുകയാണ്.
അവധിയാഘോഷത്തിനായി അല് ഐനില് നിന്ന് കുടുംബസമേതം ദുബൈയിലേക്ക് വരികയായിരുന്നു അമ്മയും അച്ഛനും കുട്ടിയുമടങ്ങുന്ന മൂന്നംഗ കുടുംബം.
ട്രിപ്പ് കഴിഞ്ഞ് മടങ്ങിവരുന്നതിനിടെ അല് ഐനിൽവെച്ച് ഇവർ സഞ്ചരിച്ചിരുന്ന വാഹനം അപകടത്തിൽപ്പെടുന്നത്. ഇവരുടെ മൂന്ന് വയസായ മകന് ഗുരുതര പരിക്കുകളുണ്ട്. കുട്ടിയെ ആശുപത്രിയില് പ്രവേശിപ്പിച്ച് ചികിത്സ നല്കുകയാണ്. ഇവർ ഏത് രാജ്യക്കാരാണെന്ന വിവരം ലഭിച്ചിട്ടില്ല. കാര് ഓടിച്ചിരുന്ന ഭര്ത്താവ് ഉറങ്ങിപ്പോയതാണ് അപകടത്തിന് കാരണമെന്ന് റിപ്പോര്ട്ടുകള് പറയുന്നു.
നടപടികള് പൂര്ത്തിയാക്കി നാട്ടിലേക്ക് കൊണ്ടുപോയ ദമ്പതികളുടെ മൃതദേഹങ്ങള് പിന്നീട് സംസ്കരിച്ചെന്ന് അധികൃതര് അറിയിച്ചു. അപകടത്തില് ഗുരുതരമായി പരിക്കേറ്റ മൂന്ന് വയസുകാരനായ കുട്ടി ഇപ്പോഴും ആശുപത്രിയിലെ തീവ്രപരിചരണ വിഭാഗത്തില് ചികിത്സയിൽ തുടരുകയാണ്. കുട്ടിയുടെ ആരോഗ്യ നില മെച്ചപ്പെട്ട ശേഷം ബന്ധുക്കളുടെ അടുത്ത് എത്തിക്കാനുള്ള നടപടികള് സ്വീകരിക്കുമെന്നും അധികൃതര് അറിയിച്ചിട്ടുണ്ട്.
https://www.facebook.com/Malayalivartha