അവധിയാഘോഷിക്കാൻ കുടുംബത്തോടൊപ്പം സൗദിയിലെത്തി, സന്ദർശക വിസയിലെത്തിയ മലയാളി ബാലൻ അപകടത്തിൽപ്പെട്ട് മരിച്ചു
സൗദിയിൽ അവധിയാഘോഷിക്കാൻ കുടുംബത്തോടൊപ്പം എത്തിയ മലയാളി ബാലൻ അപകടത്തിൽപ്പെട്ട് മരിച്ചു. സന്ദർശക വിസയിലെത്തിയ
കണ്ണൂര് ഇരിക്കൂര് പട്ടീല് സ്വദേശി കിണാക്കൂല് തറോല് സകരിയ്യയുടെ മകന് മുഹമ്മദ് സയാനാണ് മരിച്ചത്. 8 വയസായിരുന്നു. റിയാദിൽ വെച്ച് ഉപയോഗശൂന്യമായ വെള്ളടാങ്കില് വീണാണ് അപകടമുണ്ടായത്. സ്കൂള് അവധി ചെലവഴിക്കാന് വേണ്ടിയാണ് മുഹമ്മദ് സയാൻ കുടുംബത്തോടൊപ്പം സൗദിയിൽ എത്തിയത്. ഇവർ താമസിക്കുന്ന കെട്ടിടത്തിന്റെ അടുത്ത് ഉപയോഗ ശൂന്യമായ ടാങ്ക് ഉണ്ടായിരുന്നു.
കുട്ടി അതിൽ അബദ്ധത്തില് വീണതാണ് എന്നാണ് കരുതുന്നത്. അപകട വിവരം അറിയിച്ച് ഉടൻ തന്നെ സിവില് ഡിഫന്സ് യൂണീറ്റ് സംഘം സ്ഥലത്തെത്തി. പിന്നീട് മണിക്കൂറുകൾ നീണ്ട ശ്രമത്തിനൊടുവിൽ ആണ് മൃതദേഹം പുറത്തെടുത്തത്. സ്കൂള് തുറക്കാനിരിക്കെ അടുത്ത മാസം നാട്ടിലേക്ക് മടങ്ങാൻ ഇരിക്കെയാണ് അപകടം സംഭവിക്കുന്നത്. മൃതദേഹം നാട്ടിലെത്തിക്കാനുള്ള നടപടികളുമായി കുടുംബം മുന്നോട്ടു പോകുന്നില്ല. നടപടികൾ പൂർത്തിയാക്കി റിയാദിൽ തന്നെ സംസ്കരിക്കും.
അതേസമയം ഭർത്താവിനെ കാണാനായി സന്ദർശക വിസയിൽ സൗദിയിലെത്തിയ മലയാളി യുവതിയും കഴിഞ്ഞ ദിവസം സൗദിയിൽ മരിച്ചു. അരിക്കോട് കടുങ്ങല്ലൂർ വാച്ചാ പുറവൻ മുഹമ്മദ് ഹാജിയുടെയും നഫീസക്കുട്ടിയുടെയും മകൾ മുഹ്സിന(32) ആണ് രോഗബാധയെ തുടർന്ന് സൗദി ജർമ്മൻ ആശുപത്രിയിൽ മരിച്ചത്. ജിസാനിലെ ദർബിൽ പെട്രോൾ പമ്പ് മെയിന്റനൻസ് ജോലി ചെയ്യുന്ന ഭർത്താവായ എടവണ്ണപ്പാറ ചീക്കോട് മൂസ ഹർഷാദിനെ കാണാനും ഉംറ നിർവഹിക്കാനുമാണ് മുഹ്സിന മൂന്ന് കൂട്ടികളുമൊന്ന് ജിസാൻ പ്രവിശ്യയിലെ ദർബിൽ എത്തിയത്.
നേരത്തെയും സന്ദർശക വിസയിൽ എത്തിയിരുന്നെങ്കിലും മക്കൾക്ക് ഉംറ നിർവ്വഹിക്കാൻ കഴിഞ്ഞിരുന്നില്ല. എന്നാൽ ഉംറ നിർവഹിച്ച് കുട്ടികളുടെ സ്കൂൾ അവധി കഴിയുന്ന മുറയ്ക്ക് നാട്ടിലേയ്ക്ക് പോകാനിരിക്കെയാണ് അസുഖ ബാധിതയായത്. പനിയും ശ്വാസ തടസവും കൂടിയതോടെ നില വഷളാവുകയും ചെയ്തു.
ഐസിയുവിൽ പ്രവേശിപ്പിച്ച് നാലാം നാൾ മസ്തിഷ്കമരണം സംഭവിക്കുകയായിരുന്നു. ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം തുടർ നടപടികൾക്ക് ശേഷം ഖമീസിൽ തന്നെ മറവു ചെയ്യുമെന്ന് നടപടികൾക്ക് നേതൃത്വം നൽകുന്ന ഖമീസ് കെ.എം.സി.സി ലീഗൽ സെൽ ചെയർമാൻ ഇബ്രാഹിം പട്ടാമ്പി അറിയിച്ചു. മക്കളായ മിഥുലാജ്, ആയിശ ഹന്ന, ഫാത്തിമ സുഹറ എന്നിവർ നാട്ടിലേയ്ക്ക് മടങ്ങിയിരുന്നു.
https://www.facebook.com/Malayalivartha