വിമാനത്താവളത്തില്‍ സ്വീകരിക്കാനെത്തിയ പ്രവാസിയായ ഭര്‍ത്താവിന്റെ കൈയ്യില്‍ കുഞ്ഞിനെ ഏല്‍പ്പിച്ച് ഭാര്യ കാമുകനൊപ്പം ഒളിച്ചോടി. കഴിഞ്ഞ ദിവസം ദുബൈ വിമാനത്താവളത്തിലാണ് നാടകീയമായ ഈ സംഭവം നടന്നത്. രണ്ടര വയസുള്ള മകളെ തന്നെ ഏർപ്പിച്ച് ഭാര്യ കാമുകനോടൊപ്പം ഒളിച്ചോടുന്ന ദൃശ്യം ഭർത്താവ് നാദാപുരം സ്വദേശി ഷെരീഫ് മൊബൈൽ ഫോണിൽ പകർത്തി സോഷ്യൽമീഡിയയിൽ പങ്കുവെച്ചു.

വാണിമേൽ മാപ്പിലാക്കൂൽ സ്വദേശിയായ ഫയാസിന്റെ കൂടെയാണ് ഭാര്യ ഒളിച്ചോടിയതെന്നാണ് ഇയാൾ പറയുന്നത്. യുവാവിനോടൊപ്പം നാട്ടിൽ നിന്ന് വരുമ്പോൾ കൊണ്ടുവരുന്ന ബാഗുമായി യുവതി പോകുന്നതിന്റെ ദൃശ്യവും വീഡിയോയിൽ കാണാം.

ഫയാസും യുവതിയും ഇൻസ്റാഗ്രാമിലൂടെയാണ് പരിചയപ്പെട്ടതെന്നും പറയുന്നു. കുട്ടിയെ തന്നെ ഏർപ്പിച്ച് പാസ്പോർട്ട്പോലും താരാതെയാണ് പോയതെന്നും ഭർത്താവ് പറയുന്നു. എല്ലാം വ്യക്തമായ പ്ലാനോട് കൂടിയാണ് നടന്നതെന്നാണ് സംഭവങ്ങളിൽ നിന്ന് വ്യക്തമാകുന്നത്.

ഹോട്ടൽ ജീവനക്കാരമായ ഷെരീഫ് ബാച്ചിലേഴ്‌സ് റൂമിലാണ് താമസിക്കുന്നത്. ഒരു പെണ്‍കുഞ്ഞിനെ താൻ എങ്ങനെയാണ് താന്‍ ഒറ്റയ്ക്ക് നോക്കുകയെന്നാണ് നാദാപുരം സ്വദേശി ഷെരീഫ് ചോദിക്കുന്നത്. ദുബായിക്ക് വരാന്‍ പാസ്‌പോര്‍ട്ട് ഭാര്യതന്നെ എടുക്കുകയായിരുന്നു. ദുബായ്ക്ക് വരുമ്പോള്‍ അവളുടെ അച്ഛന്‍ തന്നെയാണ് വിളിച്ച് പറഞ്ഞത്. കുട്ടിയുടെ പാസ്‌പോര്‍ട്ട് ഭാര്യ തന്നില്ലെന്നും അതിനാല്‍ കുഞ്ഞിനെ തിരികെ നാട്ടിലേത്ത് അയക്കാന്‍ സാധിക്കില്ലെന്നും ഷെരീഫ് പറയുന്നു.

നാല് കൊല്ലം മുമ്പാണ് ഷെരീഫും നാദാപുരം സ്വദേശിനിയും തമ്മിൽ പ്രണയിച്ച് വിവാഹിതരായത്. നാട്ടിൽ തന്നെ പഠനത്തിന് ശേഷം നഴ്സായി വർക്ക് ചെയ്യുകയായിരുന്നു യുവതി. എന്നാൽ രാത്രിവൈകി വീട്ടിൽ എത്തുകയും കുഞ്ഞിനെ ശ്രദ്ധിക്കാതെ മൊബൈൽ ഫോണിൽ മുഴുകിയിരിക്കുകയും ചെയ്തത് വീട്ടുകാരുടെ ശ്രദ്ധയിൽപ്പെട്ടു. ഭാര്യയ്ക്ക് മറ്റൊരാളുമായി ബന്ധമുണ്ടെന്ന് രണ്ട് മാസം മുമ്പെ ഭാര്യയുടെ ഉമ്മ തന്നെ തന്നെ വിളിച്ച് പറഞ്ഞിരുന്നു. ഇതിന് പിന്നാലെ നാട്ടില്‍ ചെന്നപ്പോള്‍ ഭാര്യയുമായും അവരുടെ സുഹൃത്തുമായും സംസാരിച്ചു. തനിക്ക് ഒരു കുഞ്ഞുള്ളതാണെന്നും ഇതില്‍ നിന്നും പിന്മാറണമെന്നും താന്‍ പറഞ്ഞതായും ഷെരീഫ് പറഞ്ഞു.

ദുബായിലെ സാമൂഹിക പ്രവർത്തകരായ സലാം പാപ്പിനിശ്ശേരി ഭാര്യയെ നഷ്ട്ടപ്പെട്ട യുവാവിനോടൊപ്പമുള്ള ഫോട്ടോ പങ്കുവെച്ച് ഫേസ്ബുക്കിൽ ഇട്ട പോസ്റ്റ് പങ്കുവെച്ചിരുന്നു

ഇന്നലെ രാത്രിമുതൽ ഞാനുൾപ്പെടെയുള്ള ലീഗൽ ടീം വലിയൊരു പ്രതിസന്ധി പരിഹരിക്കുന്നതിന് വേണ്ടി പരിശ്രമം നടത്തിക്കൊണ്ടിരിക്കുകയാണ്. ഭർതൃമതിയായ നാദാപുരം സ്വദേശിനി, പരിചയക്കാരൻ നൽകിയ വിസയിൽ രണ്ടരവയസ്സുള്ള കുട്ടിയേയും കൊണ്ട് ദുബായിൽ എത്തി കുട്ടിയെ ഭർത്താവിന്റെ കയ്യിൽ ഏല്പിച്ചു പരിചയക്കാരനോടൊപ്പം പോയിരിക്കുകയാണ്. ഇൻസ്റ്റാഗ്രാമിൽ കൂടിയാണ് ഇരുവരുടെയും പരിചയം. എന്നാണ് അദ്ദേഹം തന്റെ കുറിപ്പിൽ പങ്കിവെച്ചിരിക്കുന്നത്.

എന്തായാലും ഷെരീഫ് മൊബൈൽ ഫോണിൽ പകർത്തിയ വീഡിയോ സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്.