പ്രവാസികൾക്ക് പരമാവധി നേട്ടമുണ്ടാകാവുന്ന അവസരമാണ് ഇപ്പോൾ വന്നു ചേർന്നിരിക്കുന്നത്. പ്രത്യേകിച്ച് ഒമാനിലെ പ്രവാസികൾക്ക്.നാട്ടിലോട്ട് ദാ....ഇപ്പോൾ പണം അയച്ചാൽ വൻ നേട്ടമുണ്ടാക്കാം. പറഞ്ഞുവരുന്നത് ഇന്ത്യൻ രൂപയുടെ തകർച്ചയിൽ എത്തിയതോടെ ഒമാൻ റിയാൽ വിനിമയ നിരക്ക് കുതിച്ച് ഉയരുകയാണ്. ഇതിൽ വലിയ സന്തോഷത്തിലാണ് ഒമാനിലെ പ്രവാസികൾ. വിനിമയ നിരക്ക് ഉയരുന്നത് കാണുമ്പോൾ പലരും നാട്ടിലേക്ക് പണം അയക്കും.

വീട് പണി പൂർത്തിയാകത്തവരും, കടങ്ങൾ ഉള്ളവരും എല്ലാവരും ഈ സമയത്ത് പലപ്പോഴും കടം വാങ്ങി നാട്ടിലേക്ക് പണം അയക്കാറുണ്ട്. കൊവിഡ് പ്രതിസന്ധി വന്നതുമുതൽ വലിയ തരത്തിൽ സാമ്പത്തിക പ്രയാസം അനുഭവിക്കുന്നവർ ഇന്നും കരകയറിയിട്ടില്ല. പല കമ്പനികളും ശമ്പളം വെട്ടിക്കുറച്ചിരുന്നു. ചില കമ്പനികൾ ഇതെന്നും ഇപ്പോഴും വർധിപ്പിച്ചിട്ടില്ല. വിനിമയ നിരക്ക് ഉയരുന്നത് പ്രവാസികൾ വലിയ അനുഗ്രഹമായി ആണ് കാണുന്നത്.

ഒമാൻ റിയാൽ വിനിമയ നിരക്ക് ഇപ്പോൾ 215 ലേക്ക് കടക്കാൻ ഒരുങ്ങുകയാണ്. ഇന്ത്യൻ രൂപയുടെ താഴ്ന്ന നിരക്ക് തന്നെയാണ് റിയാലിന്റെ മൃല്യം വർധിക്കാൻ കാരണമായത്. ഒരു റിയാലിന് 214.20 രൂപ എന്ന നിരക്കാണ് വെള്ളിയാഴ്ച നൽകിയത്. ശനി, ഞായർ ദിവസങ്ങൾ അവധി ആയതിനാൽ ഇതേ നിരക്ക് തന്നെയായിരിക്കും, അല്ലെങ്കിൽ ഒരു രൂപ കൂടാനും സാധ്യതയുണ്ട്.

എന്തായാലും 214, 215 നിരക്കിൽ ഉപഭോക്താക്കൾക്ക് ലഭിക്കും. അന്താരാഷ്ട്ര പോർട്ടലായ എക്സ്.ഇ എക്ചേഞ്ചിൽ ഒരു റിയാലിന് 214.90 രൂപ എന്ന നിരക്കാണ് അവർ കാണിക്കുന്നത്.അമേരിക്കൻ ഫെഡറൽ റിസർവ് കൈക്കൊള്ളുന്ന നടപടികൾ കാരണം ആണ് ഡോളർ ശക്തി പ്രാപിക്കാൻ തുടങ്ങിയത്. ഈ വർഷം മാർച്ച് 16ന് ശേഷമുള്ള ഉയർന്ന നിരക്കാണ് ഇപ്പോൾ റിയാലിന് ലഭിക്കുന്നത്. അതുകൊണ്ട് തന്നെ നാട്ടിലേക്ക് പണം അയക്കുന്ന ആളുകളുടെ എണ്ണം കൂടുതലാണ്.