നാട്ടിലേക്ക് പോകാനുള്ള ഒരുക്കത്തിനിടെ നെഞ്ചുവേദന, ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല, യുഎഇയിൽ മലപ്പുറം സ്വദേശി ഹൃദയാഘാതം മൂലം മരിച്ചു...!!
യുഎഇയിൽ നിന്ന് നാട്ടിലേക്ക് പോകാനുള്ള ഒരുക്കത്തിനിടെ പ്രവാസി മലയാളി മരിച്ചു. മലപ്പുറം താനാളൂര് പകരയിലെ പരേതനായ നന്ദനില് അലിയാമുട്ടി ഹാജിയുടെ മകന് മൊയ്ദീന്കുട്ടി (46) ആണ് മരിച്ചത്. ഷാര്ജയില് ഹൃദയാഘാതം മൂലമായിരുന്നു അന്ത്യം. വെള്ളിയാഴ്ച നാട്ടിലേക്ക് പോകാനുള്ള ഒരുക്കത്തിലായിരുന്നു.
പെട്ടെന്ന് നെഞ്ചുവേദന അനുഭവപ്പെട്ടതിനെ തുടര്ന്ന് ഷാര്ജ അല് ഖാസിമി ആശുപത്രിയില് പ്രവേശിപ്പിച്ചുവെങ്കിലും ജീവന് രക്ഷിക്കാനായില്ല. നടപടികള് പൂര്ത്തിയാക്കി മൃതദേഹം നാട്ടിലെത്തിച്ച് ഖബറടക്കുമെന്ന് സാമൂഹിക പ്രവര്ത്തകന് അഷ്റഫ് താമരശ്ശേരി അറിയിച്ചു. ഭാര്യ - റുബീന. മുഹമ്മദ് ഫായിസ്, ഫാത്തിമ റിഫ, മുഹമ്മദ് ഹിജാസ് എന്നിവർ മക്കളാണ്.
കഴിഞ്ഞ ദിവസം നാട്ടിൽ നിന്നെത്തിയ പ്രവാസി ദുബൈ വിമാനത്താവളത്തിൽവെച്ച് ഹൃദയാഘാതം മൂലം മരണപ്പെട്ടു. കണ്ണൂർ തെക്കീ ബസാർ മസ്കർ വീട്ടിൽ കെ.ടി.പി. മഹ്മൂദാണ് (75) മരിച്ചത്. നാട്ടിലും വിദേശത്തും വിവിധ വ്യവസായ സംരംഭങ്ങളുടെ ഉടമയാണ്.ബുധനാഴ്ച രാവിലെ കൊച്ചിയിൽ നിന്ന് ദുബൈയിലേക്കുള്ള യാത്രയ്ക്കിടെ ശാരീരിക അസ്വസ്ഥതകൾ പ്രകടിപ്പിച്ചരുന്നു.
എന്നാൽ ദുബൈ വിമാനത്താവളത്തില് ഇറങ്ങിയ ഉടനെ അദ്ദേഹത്തിന് അസ്വസ്ഥത കൂടുകയും ഹൃദയാഘാതം മൂലം മരണപ്പെടുകയായിരുന്നുവെന്നാണ് വിവരം. ഭാര്യ: കെ.പി ജമീല. മക്കൾ: റിഫാസ്, റമീസ്, റിസ്വാൻ, റിയാസ. മൃതദേഹം നടപടികൾ പൂർത്തിയാക്കി നാട്ടിലെത്തിച്ച് ഖബറടക്കുമെന്ന് സാമൂഹിക പ്രവർത്തകർ അറിയിച്ചു. നാട്ടിലെത്തിക്കുന്ന മൃതദേഹം ചെറുകുന്ന് ജുമാ മസ്ജിദ് ഖബര്സ്ഥാനില് ഖബറടക്കും.
https://www.facebook.com/Malayalivartha
