യുഎഇ ഡ്രൈവിങ് ലൈസൻസ് സ്വന്തമാക്കുകയെന്നത് രാജ്യത്ത് എത്തുന്ന പ്രവാസികളുടെ എല്ലാം വലിയൊരു സ്വപ്നമാണ്. എന്നാൽ ലൈസൻസ് സ്വന്തമാക്കാൻ ഉള്ള കടമ്പകൾ കടക്കാനുള്ള പ്രയാസം മൂലം പലർക്കും ഇതൊരു സ്വപ്നമായി തന്നെ ശേഷിക്കുകയാണ് പതിവ്. എന്നാൽ ഇതിനായി ശ്രമിക്കുന്ന പ്രവാസികളാകട്ടേ തുടർന്നുള്ള ചാർസിൽ ലൈസൻസ് കിട്ടുമെങ്കിലും ആദ്യ ചാർസുകളിൽ പരാജയപ്പെടുന്നതും പതിവാണ്.

എന്നാൽ ദുബായില്‍ ഒരു വാഹനമെടുത്ത് പുറത്തിറങ്ങുമ്പോള്‍ ലൈസന്‍സ് എടുക്കാന്‍ മറന്നലോ? ഡ്രൈവിങ് ലൈസന്‍സ്, ഐഡന്റിറ്റി പ്രൂഫ് മുതലായ രേഖകള്‍ കൈവശം സൂക്ഷിക്കേണ്ടത് എപ്പോഴും പ്രധാനമാണ്. ഏത് രാജ്യത്താണെങ്കിലും ഇത്തരം പ്രൂഫുകള്‍ കയ്യില്‍ കരുതയില്ലെങ്കിൽ കടുത്ത പിഴയും വാഹനം കണ്ടുകെട്ടലുമുള്‍പ്പെടെയുള്ള നടപടികള്‍ നേരിടേണ്ടിവരും. എന്നാൽ ഇനി പ്രവാസികൾ അതിൽ പ്രയാസപ്പെടേണ്ട കാര്യമില്ല. ദുബൈ ആര്‍ടിഎ ഇതിന് പരിഹാരമായി പുതിയ സംവിധാനം പുറത്തിറക്കിയിരിക്കുകയാണ്.

ദുബായ് റോഡ്സ് ആന്‍ഡ് ട്രാന്‍സ്പോര്‍ട്ട് അതോറിറ്റിയുടെ പുതിയ അറിയിപ്പ് പ്രകാരം ഡ്രൈവിങ് ലൈസന്‍സ് ഇനിമുതല്‍ നിങ്ങളുടെ ഫോണിലേക്കും ചേര്‍ക്കാം. പക്ഷേ നിലവില്‍ ഐഫോണ്‍ ഉപയോക്താക്കള്‍ക്ക് മാത്രമേ ഈ സംവിധാനം ലഭിക്കൂ. ‘ആര്‍ടിഎ ദുബായി’ മൊബൈല്‍ ആപ്ലികേഷന്‍ വഴി വാഹനമോടിക്കുന്നവര്‍ക്ക് ഡ്രൈവിങ് ലൈസന്‍സ് ഇതവരുടെ ആപ്പിള്‍ വാലറ്റില്‍ സേവ് ചെയ്യാന്‍ കഴിയും. ഇതിനായി ആര്‍ടിഎ ദുബൈ ആപ്പിലെ ഹോംപേജിലെ ‘ലോഗിന്‍/രജിസ്റ്റര്‍’ ബട്ടണില്‍ ക്ലിക് ചെയ്യുക. ശേഷം യുഎഇ പാസ് ഉപയോഗിച്ച് ലോഗിന്‍ ചെയ്യുക.

ഇവിടെ നിങ്ങള്‍ യുഎഇ പാസും ആര്‍ടിഎ അക്കൗണ്ടും ലിങ്ക് ചെയ്തിട്ടില്ലെങ്കില്‍ ലിങ്ക് ചെയ്യുന്നതിനുള്ള ഒരു പോപ്പ്-അപ്പ് അറിയിപ്പ് ലഭിക്കും. ഇനി, ആര്‍ടിഎ അക്കൗണ്ട് ഇല്ലെങ്കില്‍ ‘രജിസ്റ്റര്‍’ ടാപ്പ് ചെയ്യുക. പേര്, ഇമെയില്‍, നാഷണാലിറ്റി മൊബൈല്‍ തുടങ്ങിയ വിവരങ്ങള്‍ യുഎഇ പാസ് വഴി ഉറപ്പാക്കപ്പെടും. ഈ വിശദാംശങ്ങള്‍ പരിശോധിച്ച് പേരും പാസ്വേഡും നല്‍കി അക്കൗണ്ട് തുറക്കാം. ശേഷം എസ്എംഎസ് വഴി മൊബൈല്‍ നമ്പറിലേക്ക് ഒരു ഒടിപി വരും. ഇതാണ് ആദ്യഘട്ടം.

ഇനി ഡ്രൈവിംഗ് ലൈസന്‍സ് രജിസ്‌ട്രേഷന്‍ കാര്‍ഡ് ഓഫ്‌ലൈനായി എങ്ങനെ ആക്‌സസ് ചെയ്യാം? എന്നു കൂടി നോക്കാം

നിങ്ങളുടെ ഫോണില്‍ ‘വാലറ്റ്’ ആപ്പ് തുറന്നാല്‍ വാഹന രജിസ്‌ട്രേഷന്‍ കാര്‍ഡ് സഹിതം ആപ്പില്‍ ഡ്രൈവിംഗ് ലൈസന്‍സ് കാണാന്‍ കഴിയും.

അതേസമയം, ടെസ്റ്റുകളില്ലാതെ നാട്ടിലെ ഡ്രൈവിങ് ലൈസന്‍സ് ഉപയോഗിച്ച് യുഎഇയിലെ ലൈസന്‍സ് സ്വന്തമാക്കാവുന്ന രാജ്യങ്ങളുടെ പട്ടിക യുഎഇ ആഭ്യന്തര മന്ത്രാലയത്തിന്റെ വെബ്‍സൈറ്റില്‍ പ്രസിദ്ധീകരിച്ചു. യുഎഇ സര്‍ക്കാര്‍ അംഗീകരിച്ച 43 രാജ്യങ്ങളിലെ ഡ്രൈവിങ് ലൈസന്‍സ് ഉള്ളവര്‍ക്ക് യുഎഇ ആഭ്യന്തര മന്ത്രാലയത്തിന്റെ മര്‍ഖൂസ് സേവനം ഉപയോഗിച്ച് തങ്ങളുടെ നാട്ടിലെ ഡ്രൈവിങ് ലൈസന്‍സുകള്‍ യുഎഇ ലൈസന്‍സാക്കി മാറ്റാം. താമസ വിസയുള്ള പ്രവാസികള്‍ക്കാണ് ഈ സൗകര്യം ലഭിക്കും.

Estonia , Albania, Portugal, China, Hungary, Greece, Ukraine, Bulgaria, Slovak, Slovenia, Serbia, Cyprus, Latvia, Luxembourg, Lithuania, Malta,
Iceland, Montenegro, United State of America, France, Japan, Belgium, Switzerland, Germany, Italy, Sweden, Ireland, Spain, Norway,New Zealand
Romania, Singapore, Hong Kong,Netherlands, Denmark, Austria, Finland,United Kingdom, Turkey, Canada,Poland, South Africa
Australia.... എന്നീ രാജ്യക്കാർക്കാണ് ടെസ്റ്റുകളില്ലാതെ നാട്ടിലെ ഡ്രൈവിങ് ലൈസന്‍സ് ഉപയോഗിച്ച് യുഎഇയിലെ ലൈസന്‍സ് സ്വന്തമാക്കാവുന്നതാണ്.