യുഎഇ വീണ്ടും മറ്റൊരു രാജകീയ വിവാഹത്തിന് സാക്ഷ്യം വഹിച്ചിരിക്കുകയാണ്. യുഎഇയുടെ പ്രധാനമന്ത്രിയും, വൈസ് പ്രസിഡന്റും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂമിന്റെ മകൾ ഷെയ്ഖ മഹ്‌റ ബിൻത് മുഹമ്മദ് ബിൻ റാഷിദ് അൽ മക്തൂമും ഷെയ്ഖ് മന ബിൻ മുഹമ്മദ് ബിൻ മന അൽ മക്തൂമും തമ്മിലുള്ള വിവാഹം അത്യാഢബര പൂർവ്വമായി കഴി‍ഞ്ഞ ദിവസം നടന്നിരിക്കുകയാണ്.
വിവാഹകാര്യം ഔദ്യോഗികമായി സ്ഥിരീകരിച്ച് ദുബായ് ഭരണാധികാരിയുടെ മകൾ നേരത്തെ തന്നെ രംഗത്തുവന്നിരുന്നു.

അല്‍ മക്തൂം കുടുംബാംഗം തന്നെയാണ് ശൈഖ് മാന ബിന്‍ മുഹമ്മദ് ബിന്‍ റാഷിദ് ബിന്‍ മാന അല്‍ മക്തൂം. ദുബായ് വേൾഡ് ട്രേഡ് സെന്റർ സാബീൽ ഹാളിൽ വെച്ചാണ് സ്വീകരണ ചടങ്ങ് നടന്നത്. സ്വീകരണ ചടങ്ങിന്റെ വീഡിയോയും ചിത്രങ്ങളും ആണ് പുറത്തുവന്നിരിക്കുന്നത്. വിവാഹത്തിന് വരൻ വരുന്നതും, അവരെ സ്വീകരിക്കുന്നതും എല്ലാം ഉൾപ്പെടുത്തി വീഡിയോ പുറത്തു വന്നിട്ടുണ്ട്. രാജാവ് ഇവരെ സ്വീകരിക്കുന്നതിന്റെ ചിത്രങ്ങൾ സോഷ്യൽ മീഡിയയിൽ വെെറലാണ്.

പാട്ടും നൃത്തവും എല്ലാം വീഡിയോയിൽ കാണാം. വിവാഹത്തോടനുബന്ധിച്ച് വരന്റെ പിതാവ് എഴുതിയ കവിത നേരത്തെ പുറത്തുവിട്ടിരുന്നു. അങ്ങനെയാണ് ഇവരുടെ വിവാഹ വാർത്ത പുറത്തു വന്നത്. എന്നാൽ കഴിഞ്ഞ ദിവസം വലിയ ആഘോഷത്തോടെ വിവാഹം നടന്നതിന്റെ വീഡിയോയും, ചിത്രങ്ങളും ആണ് പുറത്തുവന്നത്.

വിവിധ എമിറേറ്റുകളിലെ ഭരണാധികാരികൾ ആശംകൾ അറിയിച്ച് എത്തിയിരുന്നു. ഉയർന്ന ഉദ്യോഗസ്ഥരും മന്ത്രിമാരും എല്ലാവരും പരിപാടിയിൽ പങ്കെടുക്കാൻ വേണ്ടി എത്തിയിരുന്നു. ദുബായ് കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം, ദുബായിലെ രണ്ടാം ഡെപ്യൂട്ടി ഭരണാധികാരി ഷെയ്ഖ് അഹമ്മദ് ബിൻ മുഹമ്മദ് ബിൻ റാഷിദ് അൽ മക്തൂം, ദുബായിലെ ആദ്യ ഉപഭരണാധികാരിയും ഉപപ്രധാനമന്ത്രിയും ധനകാര്യ മന്ത്രിയുമായ ഷെയ്ഖ് മക്തൂം ബിൻ മുഹമ്മദ് ബിൻ റാഷിദ് അൽ മക്തൂം, ദുബായ് സിവിൽ ഏവിയേഷൻ അതോറിറ്റി പ്രസിഡന്റ് എമിറേറ്റ്സ് എയർലൈൻ ആന്റ് ഗ്രൂപ്പിന്റെ ചെയർമാനും ചീഫ് എക്‌സിക്യൂട്ടീവുമായ, ദുബായ് എയർപോർട്ട്സ് ചെയർമാനും ആയ ഷെയ്ഖ് അഹമ്മദ് ബിൻ സയീദ് അൽ മക്തൂം, ദുബായ് സ്പോർടസ് കൗൺസിൽ ചെയർമാൻ ഷെയ്ഖ് മൻസൂർ ബിൻ മുഹമ്മദ് ബിൻ റാഷിദ് അൽ മകതൂം, ഷെയ്ഖ് മുഹമ്മദ് ബിൻ റാഷിദ് ബിൻ‍ മുഹമ്മദ് ബിൻ റാഷിദ് അൽ മക്തൂം എന്നിവർ വരനെ സ്വീകരിക്കാൻ മുന്നിൽ തന്നെയുണ്ടായിരുന്നു.

ഇന്റര്‍നാഷണല്‍ റിലേഷന്‍സില്‍ ബിരുദധാരിയായ ശൈഖ മഹ്റ ദുബൈയിലെ വിവിധ പരിപാടികള്‍ നിറ സാന്നിദ്ധ്യമാണ്. ജീവകാരുണ്യ, സാമൂഹിക പ്രവർത്തനങ്ങളിലെ സജീവമായ ഇടപെടൽ നടത്തുന്ന മഹ്‌റ സ്ത്രീ ശാക്തീകരണം ഉൾപ്പെടെയുള്ള കാര്യങ്ങളിൽ മുൻപന്തിയിലുണ്ട്. എക്‌സിബിഷനുകൾ, ഫാഷൻ ഷോ, അവാർഡ് ദാന ചടങ്ങുകൾ എന്നിവയുൾപ്പെടെ പരിപാടികളിലെ സാന്നിധ്യം കൂടിയാണ് മഹ്‌റ.

ശൈഖ മനയാവട്ടെ ദുബൈയിലെ അറിയപ്പെടുന്ന സംരംഭകനും വ്യവസായിയുമാണ്. റിയല്‍ എസ്റ്റേറ്റ്, സാങ്കേതിക രംഗങ്ങളിലാണ് പ്രധാനമായും അദ്ദേഹത്തിന്റെ പ്രവര്‍ത്തനം.സമൂഹമാധ്യമങ്ങളിൽ സാന്നിധ്യമായ ഷെയ്ഖ് മന സ്കീയിംഗ്, മത്സ്യബന്ധനം, യാത്ര, കുതിരസവാരി എന്നിവയിൽ സജീവമാണ്. സ്‍കൂയിങ് ഉള്‍പ്പെടെയുള്ളവ ഇഷ്ടപ്പെടുന്ന അദ്ദേഹം ദുബൈ കിരീടാവകാശി ശൈഖ് ഹംദാന്‍ ഉള്‍പ്പെടെയുള്ള രാജകുടുംബാംഗങ്ങള്‍ക്കൊപ്പം വിനോദങ്ങളില്‍ ഏര്‍പ്പെടുന്ന ചിത്രങ്ങള്‍ ഇന്‍സ്റ്റഗ്രാമില്‍ പോസ്റ്റ് ചെയ്‍തിട്ടുണ്ട്. ഇൻസ്റ്റഗ്രാമിൽ 56,000 ഫോളോവേഴ്‌സാണുള്ളത്.