യുഎഇയിൽ ആറ് ദിവസം പെരുന്നാൾ അവധി...! പ്രവാസികൾ കൂട്ടത്തോടെ പെട്ടിയും എടുത്ത് നാട്ടിലേക്ക്, വെല്ലുവിളിയായി കുതിച്ച് ഉയർന്ന് ടിക്കറ്റ് നിരക്ക്
വേനൽക്കാല അവധിയും പെരുന്നാളും ഒന്നിച്ചെത്തുന്നതോടെ പ്രാവാസികൾ നാട്ടിലേക്ക് കുതിക്കാനുള്ള പ്ലാനിലാണ്. യുഎഇയിൽ ഇനി കടുത്ത ചൂട് അനുഭവപ്പെടുമെന്ന കാലാവസ്ഥ നിരീക്ഷണ കേന്ദ്രത്തിന്റെ മുന്നറിയയിപ്പും പുറത്തുവന്നതോടെ ഇതിൽ നിന്ന് ഒരാശ്വാസമായി നാട്ടിലേക്ക് പോയാലോ എന്ന് ചിന്തിക്കുന്നവരുമുണ്ടാകും. എന്നാൽ ഇതിന് വെല്ലുവിളിയായി നിൽക്കുന്നത് ഉയർന്ന വിമാന ടിക്കറ്റ് നിരക്കാണ്.
ടിക്കറ്റ് നിരക്ക് റോക്കറ്റ് വേഗത്തിൽ കുതിക്കുമ്പോൾ എങ്ങനെ പ്രവാസികൾക്ക് നാട്ടിലേക്ക് പോകാൻ സാധിക്കും. ഈ വര്‍ഷത്തെ ഈദുല്‍ അദ്ഹാ അഥവാ വലിയ പെരുന്നാളിന് യുഎഇ നിവാസികള്‍ക്ക് ആറു ദിവസത്തെ അവധി ലഭിക്കാനാണ് സാധ്യത. ഇതാദ്യമായാണ് ബലി പെരുന്നാളിനോടനുബന്ധിച്ച് യുഎഇ നിവാസികള്‍ക്ക് ആറ് ദിവസത്തെ അവധി ലഭിക്കുന്നത്. ജ്യോതിശാസ്ത്ര കണക്കുകൂട്ടലുകളുടെ അടിസ്ഥാനത്തില്‍, ഈദ് അവധികള്‍ ജൂണ്‍ 27 ചൊവ്വാഴ്ച മുതല്‍ ജൂണ്‍ 30 വെള്ളി വരെയായിരിക്കും.
അതിനോട് ശനി, ഞായര്‍ വാരാന്ത്യം കൂടി ചേര്‍ന്നാണ് ആറ് ദിവസത്തെ അവധി ലഭിക്കുന്നത്. നീണ്ട അവധി പ്രഖ്യാപിക്കപ്പെട്ടതോടെ യാത്രയ്ക്കായുള്ള തയ്യാറെടുപ്പിലാണ് ദുബായ് നിവാസികള്‍. സ്വദേശത്തേക്കുള്ള യാത്രയ്ക്ക് മുമ്പ് വിദേശ രാജ്യങ്ങളിലേക്ക് സന്ദര്‍ശനം നടത്താന്‍ ഉദ്ദേശിക്കുന്നവരും കുറവല്ല. സ്വദേശികളാവട്ടെ, യുകെ, റഷ്യ, ജോര്‍ജിയ, അര്‍മേനിയ, അസര്‍ബൈജാന്‍ എന്നിവിടങ്ങളിലേക്കാണ് പ്രധാനമായും അവധിക്കാലം ചെലവഴിക്കാനായി ടിക്കറ്റ് ബുക്ക് ചെയ്തിരിക്കുന്നത്.
ഓണ്‍ അറൈവല്‍ വിസ സൗകര്യമുള്ളതിനാല്‍ യുകെ യാത്രയ്ക്കാണ് കൂടുതല്‍ ഡിമാന്‍ഡ്.വൈകിയുള്ള ബുക്കിംഗുകള്‍ക്ക് വലിയ ടിക്കറ്റ് നല്‍കേണ്ടി വരുമെന്നതിനാല്‍ അത് ഒഴിവാക്കാന്‍ നേരത്തെ ബുക്ക് ചെയ്യുന്നതാകും ഉചിതം. ഒരു മാസമോ അതില്‍ കൂടുതലോ മുന്‍കൂട്ടി ബുക്ക് ചെയ്യുകയാണെങ്കില്‍, അവര്‍ക്ക് വിമാന ടിക്കറ്റുകളില്‍ നല്ലൊരു തുക ലാഭിക്കാം.
https://www.facebook.com/Malayalivartha
