കാറിൽ നിന്ന് തീയും വൻതോതിൽ പുകയും, പാലക്കാട് ഓടിക്കൊണ്ടിരുന്ന കാർ പൂർണമായും കത്തി നശിച്ചു, അപകട സമയത്ത് കാറിലുണ്ടായിരുന്ന കുട്ടിയടക്കം മൂന്നുപേർ രക്ഷപ്പെട്ടത് തലനാരിഴക്ക്
പാലക്കാട് ഓടിക്കൊണ്ടിരുന്ന കാർപൂർണമായും കത്തി നശിച്ചു. ഒറ്റപ്പാലം ഭാഗത്തേക്ക് വരികയായിരുന്ന കാറിൽ അപകട സമയത്ത് കുട്ടിയടക്കം മൂന്നുപേരാണ് ഉണ്ടായിരുന്നത്. മൂന്നുപേരും സുരക്ഷിതമായി രക്ഷപ്പെട്ടു. ഡ്രൈവർ സമയോജിതമായി വാഹനത്തിൽ ഉണ്ടായിരുന്നവരെ ഇറക്കി ദൂരെ മാറി നിന്നതോടെയാണ് വൻ അപകടം ഒഴിവായത്. തൽസമയം രക്ഷാപ്രവർത്തനത്തിനായി ആർക്കും ഓടിയടുത്ത് തീ അണക്കാൻ കഴിയാത്തതിനാൽ കാർപൂർണമായും കത്തി നശിക്കുകയായിരുന്നു.
അപകട സമയത്ത് റോഡിൽ നിറയെ വാഹനങ്ങൾ ഉണ്ടായിരുന്നു. സംഭവ സമയത്ത് റോഡിൽ വാഹനങ്ങളുമായി ഉണ്ടായിരുന്നവർ സമയോചിതമായി ഇടപെട്ടതുകൊണ്ട് വലിയ അപകടം ഒഴിഞ്ഞുമാറി. ലക്കിടി പഞ്ചായത്ത് ഓഫീസിന് സമീപത്തെ യുണൈറ്റഡ് കല്യാണമണ്ഡപത്തിന് മുൻവശത്ത് എത്തിയപ്പോഴാണ് വാഹനത്തിന്റെ അടിയിൽ നിന്നും ചെറിയതോതിൽ തീയും വൻതോതിൽ പുകയും ഉയരുന്നത് ശ്രദ്ധയിൽപ്പെട്ടതോടെ ഡ്രൈവർ വാഹനം ഒരു വശത്തേക്ക് ഒതുക്കിയത്.
റോഡിൽ ഉണ്ടായിരുന്നവർ സിഗ്നൽ നൽകിയതോടെയായിരുന്നു തീ ഉയരുന്ന കാര്യം ഡ്രൈവറുടെ ശ്രദ്ധയിൽപ്പെട്ടതും വാഹത്തിലുണ്ടായിരുന്നവരെ രക്ഷപ്പെടുത്തിയതും. കോങ്ങാട് നിന്നും ഫയർഫോഴ്സ് എത്തിയപ്പോഴേക്കും കാർ പൂർണമായും കത്തി നശിച്ചിരുന്നു. ഒറ്റപ്പാലം പോലീസും സ്ഥലത്തെത്തിയിരുന്നു. കാറിന് തീ പടരാനുള്ള കാരണം വ്യക്തമല്ല.
https://www.facebook.com/Malayalivartha