സൗദിയിൽ താമസസ്ഥലത്ത് കണ്ണൂര് സ്വദേശി മരിച്ചു
സൗദി അറേബ്യയിൽ താമസസ്ഥലത്ത് പ്രവാസി മരിച്ചു. കണ്ണൂര് അഞ്ചരക്കണ്ടി വേങ്ങാട് ദാറുല് ബറക്കയില് ഹുസൈനാണ് ബവാദിയിലെ താമസ സ്ഥലത്ത് മരിച്ചത്. ഭാര്യ - ബുഷറ ഇരിക്കൂര്, മക്കള് - സയാന് മിസ്ഹബ്, മുഹമ്മദ് സഹ്സിന്, ഫാത്തിമ സഹ്റ, ഫൈസാനുല് ഫളില്. സഹോദരങ്ങൾ - അബൂബക്കര്, അഷ്റഫ്, മറിയം ഖദീജ, സുഹ്റ, നസീമ.
അതേസമയം, യുഎഇയിൽ എണ്ണ ടാങ്ക് പൊട്ടിത്തെറിച്ചുണ്ടായ അപകടത്തില് മരിച്ച പ്രവാസി യുവാവിന്റെ മൃതദേഹം നാട്ടിലേക്ക് കൊണ്ടുപോയി. ശനിയാഴ്ച പുലര്ച്ചെയുള്ള എമിറേറ്റ്സ് എയര്ലൈന്സ് വിമാനത്തിലാണ് ബംഗ്ലാദേശ് സ്വദേശിയായ മുഹമ്മദ് ഹസന്റെ (26) മൃതദേഹം നാട്ടിലേക്ക് കൊണ്ടുപോയത്.
സാമൂഹിക പ്രവര്ത്തകരായ സലാം പാപ്പിനിശ്ശേരി, നിഹാസ് ഹാഷിം കല്ലറ, അബു ചേറ്റുവ എന്നിവരുടെ നേതൃത്വത്തിലാണ് നടപടികള് പൂര്ത്തിയാക്കി മൃതദേഹം നാട്ടിലേക്ക് അയച്ചത്.അജ്മാൻ അല് ജറഫ് ഇന്ഡസ്ട്രിയല് ഏരിയയിലെ ഒരു ഫാക്ടറിയില് സ്ഥാപിച്ചിരുന്ന ടാങ്കുകളില് ഒന്നാണ് പൊട്ടിത്തെറിച്ചത്.രണ്ട് ബംഗ്ലാദേശ് സ്വദേശികളാണ് അപകടത്തില് മരിച്ചത്. മൂന്ന് പേര്ക്ക് പരിക്കേല്ക്കുകയും ചെയ്തു.
https://www.facebook.com/Malayalivartha