നാട്ടിലേക്ക് യാത്ര തിരിക്കാനിരിക്കെ ഹൃദയാഘാതം, യാത്രയ്ക്ക് മണിക്കൂറുകൾ ബാക്കി നിൽക്കെ പ്രവാസി യുവാവ് മരിച്ചു
നാട്ടിലേക്ക് വരാനിരുന്ന പ്രവാസി യുവാവ് യാത്ര തിരിക്കുന്നതിനു മണിക്കൂറുകൾക്കു മുൻപ് മരിച്ചു. വിഴിഞ്ഞം ടൗൺഷിപ് ജീലാനി നഗറിന് സമീപം ഹൗസ് നമ്പർ 297ൽ അയൂബ് ഖാൻ (36) ആണ് അബുദാബിയിൽ മരിച്ചത്.
6 മാസം മുൻപാണ് വിസിറ്റിങ് വീസയിൽ എത്തിയ അയൂബ് വിസാ കാലാവധി കഴിഞ്ഞതിനെ തുടർന്നാണ് നാട്ടിലേക്ക് തിരിക്കാനൊരുങ്ങിയത്. ശനി രാവിലെ നാട്ടിൽ വരാനിരിക്കെ ആയിരുന്നു മരണം. ഹൃദയാഘാതം ആണ് മരണ കാരണം. മൃതദേഹം അബുദാബിയിൽ തന്നെ ഖബറടക്കി. ഭാര്യ: ഷാജിന.മക്കൾ: അസ്ലം, അസ്ന.
https://www.facebook.com/Malayalivartha