ഡിസൈനിൽ കാര്യമായ മാറ്റങ്ങൾ, എമിറേറ്റ്സ് ഐ.ഡിയിൽ അടിമുടി മാറ്റം, പുതിയ മാറ്റങ്ങളോടെ എത്തിയ എമിറേറ്റ്സ് ഐഡിയിലേക്ക് മാറാൻ പ്രവാസികൾക്ക് അവസരം
യുഎഇയിലെ എല്ലാ സർക്കാർ ഏജൻസികളും അംഗീകരിക്കുന്ന ഏക തിരിച്ചറിയൽ രേഖയാണ് എമിറേറ്റ്സ് ഐഡി. അതിനാൽ തന്നെ രാജ്യയത്തെ പൗരന്മാരും താമസക്കാരും എമിറേറ്റ്സ് ഐഡി എടുക്കണമെന്നത് നിർബന്ധമാണ്. എന്നാൽ ഇപ്പോൾ പുതിയ മാറ്റങ്ങളോടെ എത്തിയ എമിറേറ്റ്സ് ഐഡിയിലേക്ക് മാറാൻ പ്രവാസികൾക്ക് ഇപ്പോൾ അവസരം ഒരുക്കിയിരിക്കുകയാണ്.
പുതിയ മാറ്റങ്ങളോടെയുള്ള എമിറേറ്റ്സ് ഐഡിയിലേക്കു മാറാൻ ഓൺലൈനായി വിവരങ്ങൾ നൽകാമെന്നു ദുബായ് കോടതി അറിയിച്ചു. കോടതി നടപടികൾ വേഗത്തിലാക്കാൻ ഇത് സഹായിക്കും.https://icp.gov.ae/service/@UAEICP എന്ന ലിങ്ക് വഴിയാണ് വിവരങ്ങൾ ചേർക്കേണ്ടത്. എമിറേറ്റ്സ് ഐഡിയുടെ ഡിസൈനിൽ കാര്യമായ മാറ്റങ്ങൾ വരുത്തി. ഐഡിയുടെ മുകളിൽ ഇടതു ഭാഗത്താണ് ചിത്രം.
വലതു വശത്ത് റസിഡന്റിന്റെ വിവരങ്ങൾ അറിയാൻ ക്യുആർ കോഡ്.ജോലി ചെയ്യുന്ന സ്ഥാപനത്തിന്റെ പേര് കാർഡിനു താഴെ ഇടതുഭാഗത്തായി രേഖപ്പെടുത്തും. ഐഡിയുടെ പുതുക്കൽ തുകയിലും വർധനയുണ്ട്. 370 ദിർഹമാണ് എമിറേറ്റ്സ് ഐഡിയുടെ ചാർജ്.
കാലാവധി കഴിഞ്ഞ എമിറേറ്റ്സ് ഐഡി പുതുക്കാതിരുന്നാൽ വൈകുന്ന ഓരോ ദിവസത്തിനും 20 ദിർഹം പിഴ കൊടുക്കേണ്ടി വരുമെന്ന് ഫെഡറൽ അതോറിറ്റി ഫോർ ഐഡന്റിറ്റി, സിറ്റിസൻഷിപ്, കസ്റ്റംസ് ആൻഡ് പോർട്ട് സെക്യൂരിറ്റി നേരത്തെ തന്നെ അറിയിച്ചിരുന്നു. യുഎഇയിൽ ഇപ്പോൾ എമിറേറ്റ്സ് ഐഡിയും പാസ്പോർട്ടും ലോകത്ത് എവിടെ നിന്നും പുതുക്കാനുള്ള അവസരമാണ് പ്രവാസികൾക്ക് വന്നുചേർന്നിരിക്കുന്നത്. മതിയായ രേഖകൾ സഹിതം സ്മാർട്ട് ആപ്പിലൂടെ വ്യക്തി തന്നെ അപേക്ഷിക്കണം എന്നതാണ് നിബന്ധന.
യുഎഇക്ക് പുറത്തുള്ള വ്യക്തിക്കുവേണ്ടി രാജ്യത്ത് മറ്റാരെങ്കിലും അപേക്ഷ സമർപ്പിച്ചാൽ നിരസിക്കും. 9 മാനദണ്ഡങ്ങൾ പൂർത്തിയാക്കുന്നവരുടെ രേഖകൾ ഓൺലൈൻ വഴി പുതുക്കുമെന്ന് ഫെഡറൽ അതോറിറ്റി ഫോർ ഐഡന്റിറ്റി ആൻഡ് സിറ്റിസൻഷിപ്, കസ്റ്റംസ് ആൻഡ് പോർട്ട് സെക്യൂരിറ്റി അറിയിച്ചു.പുതിയ എമിറേറ്റ്സ് ഐഡി എടുക്കുന്നത് വൈകിയാലും പഴയത് പുതുക്കുന്നത് വൈകിയാലും ഓരോ ദിവസത്തിനും 20 ദിർഹം പിഴയുണ്ടാകും. കാലാവധി പൂർത്തിയായി 30 ദിവസം വരെ പുതുക്കാൻ സമയമുണ്ട്.
അതു കഴിഞ്ഞുള്ള ദിവസങ്ങൾക്കാണ് പിഴയീടാക്കുക. തൊഴിൽ കാർഡ് പുതുക്കുന്നതു വൈകിയാലും ഇതേ തുകയാണ് പിഴ. പരമാവധി 1000 ദിർഹം വരെ ഈടാക്കാം. ഐഡി പുതുക്കുന്നതിൽ വീഴ്ച വരുത്തുന്ന കമ്പനി മാനേജർമാരിൽനിന്നും പിഴയീടാക്കും. തിരിച്ചറിയൽ കാർഡ് പുതുക്കുന്നതിനുള്ള രേഖകൾ കൃത്യമായിരിക്കണം.
ജോലി ചെയ്യുന്ന സ്ഥാപനങ്ങളുടേതല്ലാത്ത രേഖകൾ സമർപ്പിച്ചാൽ കമ്പനി പ്രതിനിധിക്ക് (മൻദൂബ്) 500 ദിർഹം പിഴ ചുമത്തും. ഓൺലൈൻ വഴി രേഖകൾ സമർപ്പിക്കുന്നതും നിയമപരിധിയിൽ വരും.ഇടപാടുകളുടെ ചുമതലയുള്ള കമ്പനി പ്രതിനിധി സ്വന്തം കാർഡ് പുതുക്കാതിരിക്കുക, കാലഹരണപ്പെട്ട കാർഡ് കാണിച്ച് ഇടപാടുകൾ പൂർത്തിയാക്കാൻ ശ്രമിക്കുക തുടങ്ങിയ നിയമലംഘനങ്ങൾക്കും 500 ദിർഹമാണ് പിഴ.
https://www.facebook.com/Malayalivartha