കുവൈത്തില് വാഹനാപകടത്തില് നിന്ന് രക്ഷപ്പെട്ട പ്രവാസി ആശുപത്രിയിലേക്കുള്ള യാത്രയ്ക്കിടെ മറ്റൊരു അപകടത്തില് മരിച്ചു, രണ്ട് പേര് ചികിത്സയിൽ
കുവൈത്തില് വാഹനാപകടത്തില് നിന്ന് രക്ഷപ്പെട്ട പ്രവാസിയേയും കൊണ്ട് ആശുപത്രിയിലേക്കുള്ള യാത്രയ്ക്കിടെ മറ്റൊരു അപകടത്തില് മരിച്ചു. സിറിയക്കാരനായ പ്രവാസിയാണ് മരിച്ചത്. പരിക്കേറ്റ മറ്റ് രണ്ട് പേര് ചികിത്സയിലുമാണ്. ഒരു കുവൈത്തി പൗരന് ഓടിച്ചിരുന്ന വാഹനം അദൈലിയയില് വെച്ചാണ് കാല്നട യാത്രക്കാരനായ പ്രവാസിയെ ഇടിച്ചിട്ടത്.
എന്നാൽ അപകടമുണ്ടാക്കിയ വാഹനത്തിന്റെ ഡ്രൈവര് തന്നെ പ്രവാസിയെ വാഹനത്തില് കയറ്റി കുവൈത്തിലെ അമീരി ആശുപത്രിയിലേക്ക് കൊണ്ടുപോയി. ഈ യാത്രയ്ക്കിടെ ഇയാളുടെ കാര്, ഒരു യെമന് പൗരൻ ഓടിച്ചിരുന്ന മറ്റൊരു വാഹനവുമായി കൂട്ടിയിടിച്ചാണ് പ്രവാസിക്ക് ജീവന് നഷ്ടമായത്. രണ്ട് വാഹനങ്ങളിലുമുണ്ടായിരുന്ന മറ്റ് രണ്ട് പേര്ക്കും പരിക്കുകളുമുണ്ട്. ഇവരെ ആശുപത്രിയില് പ്രവേശിപ്പിച്ചു.
https://www.facebook.com/Malayalivartha