കുളിമുറിയില് വെച്ച് ഷോക്കേറ്റു...! ഷാര്ജയിൽ എഞ്ചിനീയറായ മലയാളി യുവതിക്ക് ദാരുണാന്ത്യം
യുഎഇയിൽ മലയാളി യുവതി ഷോക്കേറ്റ് മരിച്ചു. എഞ്ചിനീയറായി ജോലി ചെയ്തിരുന്ന പടിഞ്ഞാറെകൊല്ലം ഇലങ്കത്തുവെളി ജവാഹര് നഗര് നക്ഷത്രയില് വിശാഖ് ഗോപിയുടെ ഭാര്യ നീതു (35) ആണ് മരിച്ചത്. ഷാര്ജയില് വീട്ടിലെ കുളിമുറിയില് വെച്ച് ഷോക്കേറ്റു മരിക്കുകയായിരുന്നുവെന്നാണ് റിപ്പോര്ട്ടുകള്. ഭര്ത്താവ് വിശാഖും എഞ്ചിനീയറാണ്. അഞ്ച് വയസുകാരന് നിവേഷ് കൃഷ്ണ മകനാണ്.
ഇവര് താമസിച്ചിരുന്ന വില്ലയുടെ ഭാഗത്ത് കഴിഞ്ഞ ദിവസങ്ങളില് ഇലക്ട്രിക്കല് ജോലികള് നടന്നിരുന്നുവെന്ന് പറയപ്പെടുന്നു. കുളിമുറിയില് കയറിയപ്പോള് വെള്ളത്തില് നിന്ന് നീതുവിന് ഷോക്കേറ്റുവെന്നാണ് വിവരം. ഉടനെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. നടപടികള് പൂര്ത്തിയാക്കിയ ശേഷം മൃതദേഹം കൊല്ലത്തെ വസതിയില് എത്തിക്കും. തുടര്ന്ന് മുളങ്കാടകം ശ്മശാനത്തില് സംസ്കരിക്കും. തൃശൂർ അയ്യന്തോൾ സ്വദേശിയാണ് നീതു.
അതേസമയം ദുബൈയില് ഇരുപത്തിമൂന്നുകാരി കുഴഞ്ഞുവീണു മരിച്ചു. ഓഗസ്റ്റില് വിവാഹം നിശ്ചയിച്ചിരിക്കെയാണ് അപ്രതീക്ഷിത വിയോഗം.
ആമ്പല്ലൂര് മണ്ണംപ്പേട്ട കരുവാപ്പടി തെക്കേക്കര വെട്ടിയാട്ടില് അനിലന്റെ മകള് അമൃതയാണ് (23) ദുബൈയിലെ താമസ സ്ഥലത്ത് കുഴഞ്ഞുവീണു മരിച്ചത്.
മരണകാരണം ഹൃദയസ്തംഭനമാണെന്നാണ് പ്രാഥമിക നിഗമനം. ഓഗസ്റ്റില് വിവാഹം നിശ്ചയിച്ചിരിക്കേ, അമൃത ഒരാഴ്ച മുമ്പാണ് നാട്ടില്വന്ന് തിരിച്ചുപോയത്.35 വര്ഷമായി ഗള്ഫില് ബിസിനസ് നടത്തുന്ന അനിലന് കുടുംബത്തോടൊപ്പം ദുബൈയിലായിരുന്നു താമസം.
https://www.facebook.com/Malayalivartha