ഇത് രാജകുടുബത്തിലെ പുതിയ അതിഥി...! ആ ചിത്രങ്ങൾ ആദ്യമായി പുറത്തുവിട്ട് ദുബൈ കിരീടാവകാശി, കുഞ്ഞു മുഹമ്മദ് ക്യൂട്ടാണ്....
ലോകത്ത് ഒരുപാട് ആരാധകർ ഉള്ള വ്യക്തിയാണ് ദുബായ് കിരീടാവകാശിയായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം. ഇൻസ്റ്റഗ്രാമിൽ മാത്രം 15.8 മില്യൻ ഫോളോവേഴ്സാണ് അദ്ദേത്തിന് ഉള്ളത്. ദുബായ് കിരീടാവകാശി ആണെങ്കിലും ലളിതമായ ജീവിതം നയിക്കുന്ന വ്യക്തിയാണ് ഷെയ്ഖ് ഹംദാൻ. വളരെ ലളിതമായി ജീവിക്കാൻ ഇഷ്ടപ്പെടുന്ന അദ്ദേഹം തന്റെ യാത്രകളും എടുക്കുന്ന ചിത്രങ്ങളും എല്ലാം ഇൻസ്റ്റഗ്രാമിൽ പങ്കുവെക്കാറുണ്ട്. ചിത്രങ്ങൾ വലിയ രീതിയിൽ വെെറലാവുകയും ചെയ്യാറുണ്ട്.
വലിയ സ്വീകര്യതയാണ് ഇദ്ദേഹത്തിന്റെ സോഷ്യൽ മീഡിയ പോസ്റ്റുകൾക്ക് ലഭിക്കുന്നത്. ഇപ്പോൾ തന്റെ മൂന്നാമത്തെ കുഞ്ഞായ മുഹമ്മദിനൊപ്പമുള്ള മനോഹര ചിത്രങ്ങൾ ഇൻസ്റ്റാഗ്രാമിൽ പങ്കുവച്ച് ദുബായ് കിരീടാവകാശിയും എക്സിക്യുട്ടീവ് കൗൺസിൽ ചെയർമാനുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം. കുഞ്ഞിനെ മാറോടുചേർത്ത് പിടിച്ചിരിക്കുന്ന ചിത്രമാണ് പങ്കിട്ടത്.
ആദ്യ ചിത്രത്തിൽ ഷെയ്ഖ് ഹംദാൻ തന്റെ മൂന്നാമത്തെ കുഞ്ഞിനെ കൈയിലെടുത്ത് തലയിൽ ചുംബിക്കുന്നു. സ്വകാര്യതയ്ക്കായി മുഹമ്മദിന്റെ മുഖം മറച്ചിട്ടുണ്ട്. ഒലിവ് പച്ച നിറത്തിലുള്ള ടി ഷർട്ടാണ് അദ്ദേഹം ധരിച്ചിട്ടുള്ളത്. മറ്റൊരു ചിത്രത്തിൽ കുഞ്ഞു മുഹമ്മദ് കമിഴ്ന്നുകിടന്ന് വിരിപ്പിലെ മൃഗങ്ങളുടെ കാർട്ടൂൺ ചിത്രം നോക്കുന്നു. ഈ വർഷം ഫെബ്രുവരി 25നാണ് മുഹമ്മദ് ബിൻ ഹംദാൻ ബിൻ മുഹമ്മദ് അൽ മക്തൂം ജനിച്ചത്.
മൂന്നാമതൊരു കുഞ്ഞിന്റെ കൂടി പിതാവായിരിക്കുന്നു എന്നാണ് ഇൻസ്റ്റയിൽ കൂടെയാണ് ഷെയ്ക്ക് ഹംദാൻ ലോകത്തെ അറിയിച്ചത്. ഇറ്റ്സ് എ ബോയി, മുഹമ്മദ് ബിൻ ഹംദാൻ ബിൻ മുഹമ്മദ് അൽമക്തൂം എന്ന് കുഞ്ഞിന് പേരിട്ടതായും പോസ്റ്റിൽ വ്യക്തമാക്കിയിരുന്നു. രണ്ട് ചെറിയ കാലുകൾ പിടിച്ചിരിക്കുന്ന ഒരു ജോടി കൈകളുടെ ചിത്രമായിരുന്നു അദ്ദേഹം പങ്കിട്ടത്. ‘പ്രിയപ്പെട്ട ദൈവമേ അവനെ നന്നായി വളര്ത്തുകയും അവനെ ഞങ്ങളുടെ കണ്ണുകൾക്ക് കാഴ്ചയാക്കുകയും അവനെ ഞങ്ങൾക്ക് അനുഗ്രഹമാക്കുകയും ചെയ്യേണമേ’ എന്ന് അറബികിൽ എഴുതിയ പ്രാർഥന അടങ്ങുന്നതായിരുന്നു പോസ്റ്റ്.
മുത്തച്ഛൻ റാശിദിന്റെ പേരാണ് ആദ്യത്തെ മകന് നൽകിയതെങ്കിൽ പിതാവിന്റെ പേര് കൂടിയായ മുഹമ്മദ് എന്നാണ് പുതിയ കുഞ്ഞിന് നൽകിയിരിക്കുന്നത്. കുടുംബത്തിലേക്കെത്തിയ പുതിയ അതിഥിയെ താലോലിക്കുന്ന യു.എ.ഇ വൈസ് പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂമിന്റെ ചിത്രവും നേരത്തെ ഷെയ്ഖ് ഹംദാൻ പങ്കുവെച്ച് എത്തിയിരുന്നു.
ഇരട്ടകളായ ഷെയ്ഖയും റാഷിദുമാണ് ഷെയ്ഖ് ഹംദാന്റെ മൂത്ത മക്കൾ. 2021 മേയ് 20നാണ് ഇവർ ജനിച്ചത്. തന്റെ ഇരട്ട കുട്ടികളായ ഷെയ്ഖയ്ക്കും റാഷിദിനുമൊപ്പം ദുബായ് കടൽതീരത്ത് നിൽക്കുന്ന ചിത്രങ്ങൾ അടുത്തിടെ സമൂഹ മാധ്യമത്തിൽ പങ്കുവച്ചിരുന്നു. നിമിഷ നേരം കൊണ്ടാണ് ഈ ചിത്രങ്ങൾ സമൂഹമാധ്യമത്തിൽ വൈറലായി മാറിയത്.
https://www.facebook.com/Malayalivartha