വിമാനത്താവളത്തിൽ എത്താതെ തന്നെ അത് സാധിക്കും...! ബാഗേജുകൾ വീടുകളിൽ എത്തി ശേഖരിക്കുന്ന ഹോം ചെക്ക് ഇൻ സൗകര്യം അബുദാബിയിൽ ആരംഭിച്ച് വിമാനക്കമ്പനിയായ ഇത്തിഹാദ്
ഗൾഫ് നാടുകളിൽ ബലിപെരുന്നാളും അവധിക്കാലവും ഒന്നിച്ചെത്തിയതോടെ നാട്ടിലേക്ക് പോകാനുള്ള പ്രവാസികളുടെ ഒഴുക്ക് തുടരുകയാണ്. വിമാനത്താവളങ്ങളിൽ യാത്രക്കാരുടെ എണ്ണം കൂടിയതോടെ വൻ തിരക്കാണ് അനുഭവപ്പെടുന്നത്. തിരക്ക് നിയന്ത്രിക്കാന് വിമാനത്താവള അധികൃതരും വിമാനക്കമ്പനി ജീവക്കാരും പാടുപെടുന്നുണ്ട്. അതിനിടയിൽ തിരക്ക് നിയന്ത്രിക്കാന് ഹമദ് അന്താരാഷ്ട്ര വിമാനത്താവള അധികൃതരും ദുബൈ വിമാനത്താവള അധികൃതരും യാത്രക്കാര്ക്ക് നിര്ദേശങ്ങളുമായി മുന്നോട്ടുവന്നിരുന്നു.
വിമാനത്താവളത്തിളങ്ങളിലെ തിരക്ക് മുന്നിൽക്കണ്ട് ചെക്ക് ഇൻ നടപടികൾ യാത്രക്കാർക്ക് കൂടുതൽ എളുപ്പമാക്കാമാണ് വിമാനക്കമ്പനികളുടെ ശ്രമം. ബാഗേജുകൾ വീടുകളിൽ എത്തി ശേഖരിക്കുന്ന ഹോം ചെക്ക് ഇൻ സൗകര്യം ഇത്തിഹാദ് വിമാനത്തിലെ യാത്രക്കാർക്ക് ഈ സമയങ്ങളിൽ പ്രയോജനപ്പെടുത്താം. ഹോം ചെക്ക് ഇൻ സൗകര്യം അബുദാബിയിൽ ആരംഭിച്ചു. യാത്രയ്ക്ക് 5–24 മണിക്കൂറിനിടയ്ക്ക് ലഭിക്കുന്ന ഈ സേവനത്തിന് മൊറാഫിക് ആപ്പ് വഴി മുൻകൂട്ടി ബുക്ക് ചെയ്യണം.
ഹോം ചെക്ക് ഇൻ വഴി 2 ബാഗുകൾ സ്വീകരിക്കുന്നതിന് 185 ദിർഹമാണ് നിരക്ക്. 3–4 ബാഗുകൾക്ക് 220, 5–6 ബാഗുകൾക്ക് 280, 7–8 ബാഗുകൾക്ക് 340 ദിർഹം എന്നിങ്ങനെ നൽകണം. 24 മണിക്കൂറും ചെക്ക് ഇൻ ഇത്തിഹാദ് എയർവേയ്സ്, എയർ അറേബ്യ, വിസ് എയർ, ഈജിപ്ത് എയർ എന്നീ വിമാനങ്ങളിലെ യാത്രക്കാർക്ക് മിനാ തുറമുഖത്തുള്ള സിറ്റി ചെക്ക് ഇൻ സേവനം 24 മണിക്കൂറും പ്രയോജനപ്പെടുത്താം.കൂടുതൽ വിവരങ്ങൾക്ക് 800 6672347 നമ്പറിൽ ബന്ധപ്പെടാം.
അതേസമയം സിറ്റി ചെക്ക് ഇൻ സംവിധാനം ദുബായിലും അബുദാബിയിലും തുടങ്ങിയതിന് പിന്നാലെ ഷാർജയിലും എയർ അറേബ്യ ഒരുക്കിയിട്ടുണ്ട്. അൽ മദീന ഷോപ്പിങ് സെന്ററിന് എതിർ ഭാഗത്ത് മുവെയ്ലയിലാണ് പുതിയ സൗകര്യം ഏർപ്പെടുത്തിയത്. രാവിലെ 10 മുതൽ രാത്രി 10വരെ ചെക്ക് ഇൻ കേന്ദ്രം പ്രവർത്തിക്കും. വിമാനത്താവളത്തിലെ ചെക്ക് ഇൻ നടപടികൾ ലഘൂകരിക്കുന്നതിന്റെ ഭാഗമായാണ് പുതിയ സംവിധാനം ഏർപ്പെടുത്തിയിരിക്കുന്നത്. യാത്രയുടെ 24 മണിക്കൂർ മുൻപ് മുതൽ 8 മണിക്കൂർ മുൻപ് വരെ ചെക്ക് ഇൻ ചെയ്യാം.
വിമാനത്താവളത്തിലെ ചെക്ക് ഇന്നിൽ ലഭിക്കുന്ന എല്ലാ സൗകര്യങ്ങളും സിറ്റി ചെക്ക് ഇന്നിൽ ലഭിക്കും. യാത്രക്കാർക്ക് അവരുടെ ലഗേജുകൾ ചെക്ക് ഇൻ കേന്ദ്രത്തിൽ നൽകാം, ബോർഡിങ് പാസും വാങ്ങാം. ഇഷ്ടമുള്ള സീറ്റ് തിരഞ്ഞെടുക്കാനും ഇവിടെ സൗകര്യമുണ്ട്.സിറ്റി ചെക്ക് ഇൻ ചെയ്തവർക്ക് യാത്രയുടെ ഒരു മണിക്കൂർ മുൻപ് മാത്രം വിമാനത്താവളത്തിൽ എത്തി നേരെ വിമാനത്തിന്റെ സുരക്ഷാ പരിശോധനയിലേക്ക് പോയാൽ മതി. അധിക ബാഗേജ് ആവശ്യമായവർക്ക് പണം നൽകി വാങ്ങാം. സമയം ലാഭിക്കുന്നതിനൊപ്പം വിമാനത്താവളത്തിലെ നീണ്ട വരിയിൽ നിൽക്കേണ്ടിയും വരില്ല.
https://www.facebook.com/Malayalivartha