സൗദിയിൽ പ്രവാസി മലയാളി ഹൃദയാഘാതം മൂലം മരിച്ചു. മലപ്പുറം കോഡൂർ ചെമ്മൻകടവ് സ്വദേശി പട്ടർകടവൻ ഹൗസിൽ അബ്ദുൽ വഹാബ് (52) ആണ് മരിച്ചത്. ശ്വാസകോശ സംബന്ധമായ അസുഖത്തെ തുടർന്ന് റിയാദ് മലസിലെ നാഷനൽ കെയർ ആശുപത്രിയിൽ പ്രവേശിപ്പിച്ചിരുന്നു.ഇവിടെവെച്ച് ഹൃദയാഘാതം മൂലം മരണപ്പെടുകയായിരുന്നു.

ദീർഘകാലമായി റിയാദിൽ പ്രവാസിയായിരുന്ന അദ്ദേഹം ഉലയയിലെ യുനൈറ്റഡ് ടെക്നോളജി ഫോർ കൺസ്ട്രക്ഷൻ എന്ന കമ്പനിയിലാണ് ജോലി ചെയ്തിരുന്നത്. മൃതദേഹം റിയാദ് നസീമിലെ ഹയ്യുസലാം മഖ്ബറയിൽ ഖബറടക്കി. സാമൂഹിക പ്രവര്‍ത്തകൻ സിദ്ദിഖ് തുവ്വൂരിന്റെ നേതൃത്വത്തിൽ കെ.എം.സി.സി വെൽഫെയർ വിങിലെ ഉമർ അമാനത്ത് ഉൾപ്പെടെയുള്ള പ്രവർത്തകർ മരണാനന്തര നടപടികൾക്ക് നേതൃത്വം നൽകി. ഭാര്യ - സമീറ കാക്കോട്ടിൽ, മക്കൾ - മുഹമ്മദ് ജസീൽ, മുഹമ്മദ് അനസ് എന്നിവരാണ്.