ലോകത്തെ മൊത്തം എണ്ണനിക്ഷേപത്തിന്റെ പത്തിലൊന്ന് യുഎഇയിലാണ്. അതിൽ 90%വും അബുദാബിയിലാണ്. അബുദാബി എമിറേറ്റിലാണ് ഏറ്റവും കൂടുതൽ എണ്ണ ഉത്പാദിപ്പിക്കുന്നത്. ബാക്കി ദുബായിലും ഷാർജ്ജയിലും മറ്റ് എമിറേറ്റുകളിലുമാണുള്ളത്. എണ്ണ വിലയിലെ വ്യത്യാസങ്ങൾക്ക് അനുസരിച്ച് എല്ലാം മാസവും പെട്രോൾ, ഡീസൽ വില അധികൃതർ പ്രഖ്യാപിക്കാറുണ്ട്. ഇതിനനുസരിച്ച് ടാക്സി ചാർജിലടക്കം മാറ്റം വരാറുണ്ട്. ഇപ്പോൾ ജൂലൈ മാസത്തെ പെട്രോൾ,ഡീസൽ വില പ്രഖ്യാപിച്ചിരിക്കുകയാണ് അധികൃതർ.

യുഎഇയിൽ ജൂലൈ മാസത്തെ പെട്രോൾ, ഡീസൽ വില വർദ്ധിച്ചിരിക്കുകയാണ്. പെട്രോളിന് അഞ്ചും ഡീസലിന് രണ്ട് ഫിൽസും കൂടിയിട്ടുണ്ട്. ഇന്ന് മുതൽ പുതിയ നിരക്ക് പ്രാബല്യത്തിൽ വരും. ഇതോടെ സൂപ്പര്‍ പെട്രോളിന്റെ വില വീണ്ടും മൂന്നു ദിര്‍ഹമായി. സ്‌പെഷ്യല്‍ പെട്രോളിന് രണ്ട് ദിര്‍ഹം 89 ഫില്‍സും ഇ- പ്ലസിന് രണ്ടു ദിര്‍ഹം 81 എണ്‍പത്തിയൊന്ന് ഫില്‍സുമാണ് പുതിയ നിരക്ക്. ജൂൺ മാസത്തിൽ ഇ പ്ലസ് ലിറ്ററിന് 2.76 ദിർഹമായിരുന്നു വില.

അതുപോലെ ഡീസല്‍ ലിറ്ററിന് എട്ട് ഫില്‍സ് കൂട്ടിയതോടെ 2 ദിര്‍ഹം 76 ഫില്‍സായി വില വര്‍ദ്ധിച്ചു. കഴിഞ്ഞ മാസം ഫ്യുവൽ പ്രൈസ് കമ്മിറ്റി 21 ഫിൽസ് കുറച്ചിരുന്നു. ഇത് കഴിഞ്ഞ നാല് മാസത്തിനിടയിലെ ഏറ്റവും കുറഞ്ഞ നിരക്കായിരുന്നു.

പെട്രോൾ, ഡീസൽ വില കൂട്ടിയതോടെ ടാക്സി ചാർജിലടക്കം ഇത് പ്രതിഫലിക്കും. പുതുക്കിയ നിരക്ക് അതത് എമിറേറ്റിലെ ട്രാൻസ്‌പോർട്ട് അതോറിറ്റി പ്രഖ്യാപിക്കും. സ്ഥിരം യാത്രക്കാരായ പ്രവാസികൾക്ക് ഈ മാസം ടാക്സി ചാർജിനത്തിൽ അൽപ്പം പൈസ കൂടുതൽ മുടക്കേണ്ടിവരുമെന്ന കാര്യം ഏതാണ്ട് ഉറപ്പായി.