ഹിജ്‌റ പുതുവർഷത്തോടനുബന്ധിച്ച് കുവൈത്തിൽ ജൂലൈ 19ന് പൊതു അവധി പ്രഖ്യാപിച്ചു. 20ന് മന്ത്രാലയങ്ങൾ, സർക്കാർ സ്ഥാപനങ്ങൾ, ഏജൻസികൾ, എന്നിവയിൽ ജോലി ചെയ്യുന്നവർക്ക് വിശ്രമ ദിനമായും പ്രഖ്യാപിച്ചു. തിങ്കളാഴ്ച ചേർന്ന മന്ത്രിസഭാ യോഗത്തിലാണ് തീരുമാനം എടുത്തത്. ​ബുധൻ, വ്യാഴം ദിനങ്ങളിൽ അവധി വന്നതോടെ വെള്ളി, ശനി ദിവസങ്ങൾ കഴിഞ്ഞ് ഞായറാഴ്ചയാകും ഓഫീസുകളും സ്ഥാപനങ്ങളും തുറന്നു പ്രവർത്തിക്കുക.

അതേസമയം ഹിജ്‌റ വര്‍ഷാരംഭം തുടങ്ങുന്ന സാഹചര്യത്തിൽ മുഹര്‍റം ഒന്നിന് ഒമാനിലും പൊതു അവധി പ്രഖ്യാപിച്ചു. ജൂലൈ 20ന് ആണ് മുഹര്‍റം ഒന്ന് വരുന്നത്. അന്നത്തെ ദിവസം ഒമാനില്‍ പൊതുഅവധിയായിരിക്കുമെന്ന് അധികൃതര്‍ അറിയിച്ചു.