സർവീസുകൾ പൊടുന്നനെ റദ്ദാക്കി എയർ ഇന്ത്യ...! ജൂലൈ 18 മുതൽ ഒക്ടോബർ 23 വരെ ഈ സെക്ടറിലേക്കുള്ള സർവീസുകൾ ഉണ്ടാകില്ല...!
എയർ ഇന്ത്യയും എയർ ഇന്ത്യ എക്സ്പ്രസും യാത്രക്കാരെ വെട്ടിലാക്കുന്ന നടപടിയാണ് സ്വീകരിച്ചുവരുന്നത്. ടിക്കറ്റ് നിരക്കിലെ വർദ്ധന, പൊടുന്നനെ സർവീസ് റദ്ദാക്കുക, യാത്ര പുറപ്പെടാൻ തുടങ്ങുമ്പോൾ സാങ്കേതിക തകരാർ, യാത്രക്കാർക്ക് മോശം ഭക്ഷണം നൽകുക തുടങ്ങി ഒട്ടേറെ പരാതികളാണ് കമ്പനികൾക്കെതിരെ ഉയരുന്നത്. ഇപ്പോൾ യാത്രക്കാരെ ആകെ ആശങ്കയിലാക്കിരിക്കുകയാണ് എയർ ഇന്ത്യ. സർവീസുകൾ പൊടുന്നനെ റദ്ദാക്കി യാത്രക്കാരെ ആകെ പ്രതിസന്ധിയിലാക്കിയിരിക്കുകയാണ്.
ഇതാദ്യമായല്ല ഇതിന് മുമ്പും ഇത്തരം സംഭവങ്ങൾ ഉണ്ടായിട്ടുണ്ട്. ഇതിൽ നിന്ന് ഇപ്പോഴും യാതൊരുവിധ മാറ്റങ്ങളും ഉണ്ടായിട്ടില്ല എന്നുള്ളതാണ് സത്യം. ജൂലൈ 18 മുതൽ ഒക്ടോബർ 23 വരെയുള്ള സർവീസ് റദ്ദാക്കിയതായി എയർ ഇന്ത്യ അറിയിച്ചു. ചൊവ്വ, ഞായർ ദിവസങ്ങളിലെ മസ്കത്തിൽ നിന്ന് ഡൽഹിയിലേക്കും അവിടെനിന്ന് തിരിച്ചുമുള്ള സർവീസുകയാണ് റദ്ദാക്കിയതെന്നാണ് എയർ ഇന്ത്യ അറിയിച്ചത്.
ഇതോടെ യാത്ര തിരിക്കാനായി പ്ലാൻ ചെയ്തിരുന്നവരുടെ കണക്കുകൂട്ടലുകൾ ആകെ താളം തെറ്റിയിരിക്കുകയാണ്. നിരവധി യാത്രക്കാർ ഈ സെക്ടറിൽ എയർ ഇന്ത്യയെ ആശ്രയിക്കുന്നവരായുണ്ട്. അതിനാൽ പൊടുന്നനെ സർവ്വീസ് റദ്ദാക്കിയത് യാത്രക്കാരെ ബാധിക്കുമെന്ന് തന്നെ വേണം വിലയിരുത്തുവാൻ.
യാത്രക്കാർക്ക് ടിക്കറ്റ് തുക തിരിച്ചുനൽകുമെന്നും അല്ലെങ്കിൽ മറ്റു തീയതികളിലേക്ക് മാറ്റി ബുക്ക് ചെയ്യാവുന്നതാണെന്നും അധികൃതർ അറിയിച്ചു. കഴിഞ്ഞ ദിവസം ട്രാവൽ ഏജന്റുമാർക്ക് നൽകിയ സർക്കുലറിലാണ് ഇക്കാര്യം പറഞ്ഞിരിക്കുന്നത്.
https://www.facebook.com/Malayalivartha