ഭാഗ്യം പരീക്ഷണത്തിന്റെ കാര്യത്തിൽ പ്രവാസികൾ കുതിക്കുകയാണ്. പ്രവാസികളിൽ പലരുടേയും ജീവിതം ബിഗ് ടിക്കറ്റിലൂടെ മാറി മറിഞ്ഞിട്ടുണ്ട്. കോടിക്കണക്കിന് രൂപയാണ് ഇന്ത്യക്കാര്‍ ബിഗ് ടിക്കറ്റിലൂടെ ഇതിനോടകം തന്നെ സ്വന്തമാക്കിയത്. മിക്ക പ്രവാസികളും സുഹൃത്തുക്കളുമായി ചേർന്ന് ടിക്കറ്റ് എടുത്ത് ഭാഗ്യം പരീക്ഷിക്കുന്നവരുമാണ്.

പലപ്പോഴും ലൈവ് ഡ്രോ കാണാതെ വളരെ അപ്രതീക്ഷിതമായിട്ടാകും സമ്മാനം കിട്ടിയ വിവരം പ്രവാസികൾ അറിയുക. അവതാരകർ ഇവരെ നേരിട്ട് വിളിച്ച് അറിയിച്ചിട്ടാകും ഇത് അറിയുക. എന്നാൽ ഇത്തവണ ബിഗ് ടിക്കറ്റ് വാരാന്ത്യ നറുക്കെടുപ്പിലെ 2 ഭാഗ്യശാലികളെ ഇതുവരെ കണ്ടെത്താൻ സാധിച്ചിട്ടില്ല. ഈ ഭാഗ്യശാലികളെ കണ്ടെത്താനാകാതെ അധികൃതർ ആശയകുഴപ്പത്തിലായിരിക്കുകയാണ്.

ജൂൺ നാലാം വാരം നടന്ന നറുക്കെടുപ്പിൽ ഒരു ലക്ഷം ദിർഹം (22.3 ലക്ഷം രൂപ) ആണ് ഇവർക്ക് സമ്മാനമായി ലഭിച്ചിരിക്കുന്നത്. അജിത് കുമാർ (279888), മുഹമ്മദ് ഹനീഫ് (262224) എന്നിവർക്കാണ് സമ്മാനം ലഭിച്ചിരിക്കുന്നത്. എന്നാൽ സമ്മാനം പ്രഖ്യാപിച്ച് ഇപ്പോൾ രണ്ടാഴ്ച പിന്നിട്ടിട്ടും സമ്മാനം ലഭിച്ചവരെ ഇതുവരെ കണ്ടെത്താൻ സാധിച്ചിട്ടില്ല. ഈ രണ്ട് പേരെ ഫോണിൽ വിളിച്ചിട്ടും കിട്ടിയില്ല. ഇവർ രണ്ട് പേരും ഇതുവരെ ബിഗ് ടിക്കറ്റുമായി ബന്ധപ്പെടുകയോ ചെയ്തിട്ടില്ലെന്നും അധികൃതർ പറയുന്നു.

വിജയികൾ എത്രയും വേഗം ബന്ധപ്പെട്ട് സമ്മാനത്തുക കൈപ്പറ്റണം. ഇവരെക്കുറിച്ച് അറിയുന്നവർ വിവരം ബിഗ് ടിക്കറ്റിനെ അറിയിക്കണമെന്നും അധികൃതർ അഭ്യർഥിച്ചിരിക്കുകയാണ്. ചിലപ്പോൾ ഇവർ സമ്മാനത്തുക കിട്ടിയ വിവരം അറിഞ്ഞിട്ടുണ്ടാകില്ലാണ് തോന്നുന്നത്. അതുമല്ലെങ്കിൽ നാട്ടിൽ പോയിരിക്കാം ഈ രണ്ട് സാധ്യതകളും തള്ളിക്കളയാനാകില്ല. സംഘാടകർ തന്നെ വിവരം അറിയിച്ചതോടെ ഭാഗ്യശാലികളെ ഉടൻ തന്നെ കണ്ടെത്താനാമെന്ന് തന്നെ പ്രതീക്ഷിക്കാം.

ഇക്കഴിഞ്ഞ ദിവസം നടന്ന അബുദാബി ബിഗ് ടിക്കറ്റ് ഡ്രീം കാര്‍ നറുക്കെടുപ്പില്‍ BMW430i കാർ സമ്മാനമായി കിട്ടിയതും ഒരു പ്രവാസിക്കാണ്.
റാസ് അൽ-ഖൈമയിൽ നിന്നുള്ള ദിനേഷ് കുമാർ ആണ് സമ്മാനം സ്വന്തമാക്കിയ ഭാഗ്യശാലി. സോഷ്യൽ മീഡിയയിലൂടെ ഡ്രീം കാർ ടിക്കറ്റിനെക്കുറിച്ച് അറിഞ്ഞ ദിനേഷ് അന്നു മുതൽ ടിക്കറ്റ് എടുക്കാൻ തുടങ്ങി. പ്രത്യേകിച്ച് കണക്കുകൂട്ടലുകളൊന്നുമില്ലാതെയാണ് താൻ ടിക്കറ്റ് എടുത്തിരുന്നതെന്ന് അദ്ദേഹം പറഞ്ഞു. കാർ വിൽക്കാനാണ് ദിനേഷ് തീരുമാനിച്ചിരിക്കുന്നത്.

പണം തന്റെ കുട്ടികളുടെ വിദ്യാഭ്യാസത്തിനായി ചെലവഴിക്കും. പണത്തിന്റെ ഒരു ഭാഗം സ്വന്തമായി ബിസിനസ് തുടങ്ങാൻ ആണ് ഉപയോഗിക്കുക. ഒരു ട്രാൻസ്പോർട്ടേഷൻ ബിസിനസ് തുടങ്ങാൻ ആണ് പണം ഉപയോഗിക്കുക. ഗ്രാൻഡ് പ്രൈസ് വിന്നറാകാൻ വേണ്ടിയുള്ള ശ്രമങ്ങൾ ആണ് ഇനി തുടങ്ങുക അതിനാൽ ഇനിയും ബിഗ് ടിക്കറ്റ് നറുക്കെടുപ്പിൽ പങ്കെടുക്കും എന്ന് അധികൃതർ അറിയിച്ചു.