ഏറ്റവും ഉയർന്ന ശമ്പളം..! ഈ ഗൾഫ് രാജ്യത്തേക്ക് കുതിച്ച് പ്രവാസികൾ, മുൻവർഷത്തെ അപേക്ഷിച്ച് മൂന്ന് ശതമാനം കുറവുണ്ടായിട്ടും ശരാശരി ശമ്പളം ഉയർന്നു തന്നെ
ഏറ്റവും ഉയർന്ന ശമ്പളത്തിൽ നല്ലൊരു ജോലി ആഗ്രഹിച്ചാണ് പ്രവാസികൾ നാട്ടിൽ നിന്നും കടൽക്കടക്കുന്നത്. എന്നാൽ ചിലർക്ക് മികച്ച ജോലിയും ശമ്പളവും കിട്ടുമെങ്കിലും എല്ലാ പ്രവാസികളുടേയും അവസ്ഥയും അതല്ല എന്നുള്ളതാണ് സത്യം. എന്നാൽ പ്രവാസികൾക്ക് ഏറ്റവും ഉയർന്ന ശമ്പളം നൽകുന്ന ഗൾഫ് രാജ്യം ഏതാണെന്ന് മുൻകൂട്ടി അറിയാൻ സാധിക്കുമോ? തീർച്ചയായും സാധിക്കും.
അത്തരത്തിലൊരു വാർത്തയാണ് പുറത്തുവന്നിരിക്കുന്നത്. പ്രവാസികൾക്ക് ഏറ്റവും കൂടുതൽ ശമ്പളം നൽകുന്ന ലോകത്തിലെ ഒന്നാം നമ്പർ രാജ്യമെന്ന നേട്ടം സ്വന്തമാക്കിയിരിക്കുന്നത് ഗൾഫ് രാജ്യമായ സൗദി അറേബ്യയാണ്. ഇത് വെറുതെ പറയുന്നതല്ല വ്യക്തമായ റിപ്പോട്ടുകളുടെ അടിസ്ഥാനത്തിലാണ് സൗദി ഈ നേട്ടം സ്വന്തമാക്കിയത്. കൺസൾട്ടൻസി ഇ.സി.എ ഇന്റർനാഷണലിന്റെ പുതിയ പഠന പ്രകാരമാണ് സൗദിക്ക് ഈ നേട്ടം കൈവരിക്കാനായത്.
സൗദിക്ക് ഒപ്പം മിഡിൽ ഈസ്റ്റിന് തന്നെ അഭിമാനമാണ് ഈ നേട്ടം. കാരണം ലോകത്ത് ഏറ്റവും കൂടുതൽ പണം സമ്പാദിക്കാൻ പറ്റുന്നത് ഗൾഫ് രാജ്യങ്ങളിൽ നിന്നാണെന്ന് പഠനം പറയുന്നു. ലോകത്തിലെ ഏറ്റവും ഉയർന്ന നിരക്കിലാണ് സൗദിയിൽ നിലവിൽ ശമ്പളം നൽകുന്നത്. മുൻവർഷത്തെ അപേക്ഷിച്ച് മൂന്ന് ശതമാനം കുറവുണ്ടായിട്ടും ശരാശരി ശമ്പളം ഉയർന്നു തന്നെ നിൽക്കുകയാണ്.
ലോകത്തിന് മുന്നിൽ ശ്രദ്ധേയമായ നേട്ടങ്ങൾ കൊണ്ടുവരുന്ന രാജ്യമായി മാറിയിരിക്കുന്ന സൗദി അറേബ്യയുടെ നേട്ടങ്ങളുടെ പട്ടികയിലേക്ക് ഇതോടെ ഒരു പൊൻതൂവൽ കൂടിയായിരിക്കുകയാണ്. സൗദി അറേബ്യയിലെ മിഡിൽ മാനേജർമാർ പ്രതിവർഷം ശരാശരി 83,763 പൗണ്ട് (88.64 ലക്ഷം രൂപ) സമ്പാദിക്കുന്നതായി മൈഎക്സ്പാട്രിയേറ്റ് മാർക്കറ്റ് പേ സർവേ പറയുന്നു. അതേസമയം, ലോകത്തിലെ ഏറ്റവും ചെലവേറിയ സ്ഥലമായി യുകെ ഉയർന്നു.
https://www.facebook.com/Malayalivartha