സ്‌കൂള്‍ കഴിഞ്ഞ് അമ്മയ്ക്കും സഹോദരങ്ങള്‍ക്കുമൊപ്പം മടങ്ങവെ കാറപകടം, ഒമാനില്‍ മലയാളി വിദ്യാര്‍ഥിനി മരിച്ചു
ഒമാനില്‍ സ്‌കൂള്‍ കഴിഞ്ഞ് മടങ്ങവെ കാര്‍ അപകടത്തില്‍പ്പെട്ട്‌ മലയാളി വിദ്യാര്‍ഥിനി മരിച്ചു. എറണാകുളം പാലാരിവട്ടം സ്വദേശികളായ ടാക്കിന്‍ ഫ്രാന്‍സിസ് ഓലാറ്റുപുറത്തിന്റെയും ഭവ്യ വര്‍ഗീസിന്റെയും മകൾ ആറ് വയസുള്ള അല്‍ന ടാകിന്‍ ആണ് മരിച്ചത്. സീബ് ഇന്ത്യന്‍ സ്‌കൂള്‍ രണ്ടാം തരം വിദ്യാര്‍ഥിനിയാണ്. അല്‍ന ടാകിന്റെ മരണത്തെ തുടര്‍ന്ന് ബുധനാഴ്ച സീബ് ഇന്ത്യന്‍ സ്‌കൂളിന് അവധി നല്‍കിയിരുന്നു.
ചൊവ്വാഴ്ച സ്‌കൂള്‍ വിട്ട് അമ്മയ്ക്കും രണ്ട് സഹോദരങ്ങള്‍ക്കുമൊപ്പം കാറില്‍ വീട്ടിലേക്ക് സഞ്ചരിക്കവെയാണ് അപകടമുണ്ടായത്. ഇവര്‍ സഞ്ചരിച്ച കാര്‍ നിയന്ത്രണം വിട്ട് മറിയുകയായിരുന്നു. അപകടത്തില്‍ പരുക്കേറ്റ ഇവരെ ആശുപത്രിയില്‍ എത്തിച്ചുവെങ്കിലും അല്‍ന ടാകിന്റെ മരണം സംഭവിച്ചിരുന്നു. അമ്മയുടെയും സഹോദരങ്ങളുടെയും പരിക്ക് ഗുരുതരമല്ല. ഇവര്‍ ആശുപത്രിയില്‍ നിന്ന് വീട്ടിലേക്ക് മടങ്ങുകയും പിന്നീട് നാട്ടിലേക്ക് തിരിക്കുകയും ചെയ്തു..
https://www.facebook.com/Malayalivartha
