വിമാന ടിക്കറ്റിന് ഇനി തവണ വ്യവസ്ഥയിൽ പണമടക്കാം, യാത്രക്കാർക്ക് ആശ്വാസമായ നീക്കവുമായി സൗദിയിലെ ഫ്ളൈ നാസ് വിമാന കമ്പനി
കുടുംബവുമൊത്ത് യാത്ര ചെയ്യുമ്പോൾ പോക്കിനും വരവിനുമായി തന്നെ നല്ലൊരു ശതമാനം തുക വിമാന ടിക്കറ്റിമായി വേണ്ടിവരും. നാല് പേരടങ്ങുന്ന കുടുംബമാണെങ്കിൽ 1 ലക്ഷത്തിലധികം രൂപയ്ക്ക് മുകളിൽ ഇതിനായി ചിലവ് വരും എന്നുറപ്പാണ്. ഇത്രയും പണം ഒരുമിച്ച് അടയ്ച്ച് യാത്രചെയ്യുന്നത് പലർക്കും വലിയ സമ്പത്തിക ബുദ്ധിമൂട്ടുണ്ടാക്കാറുണ്ട്.
എന്നാൽ യാത്രക്കാരുടെ ഈ ബുദ്ധിമൂട്ട് കണ്ടാകണം വിമാന ടിക്കറ്റിന് തവണ വ്യവസ്ഥയിൽ പണമടക്കാൻ സൗദിയിലെ ഒരു വിമാനക്കമ്പനി സൗകര്യമൊരുക്കിയിരിക്കുന്നത്. ഫ്ളൈ നാസ് വിമാന കമ്പനി പലിശയില്ലാതെ നാല് തവണകളായി പണമടക്കാനാണ് യാത്രക്കാർക്ക് സൗകര്യം ഒരുക്കിയിരിക്കുന്നത്..
ഇതാദ്യമായാണ് സൗദിയിൽ ഒരു വിമാന കമ്പനി തവണ വ്യവസ്ഥയിൽ ടിക്കറ്റിന് പണമടക്കാൻ സൗകര്യമൊരുക്കുന്നത്. പ്രമുഖ പെയ്മന്റ് പ്രോസസിംങ് ആപ്പായ ടാബിയുമായി സഹകരിച്ചാണ് പദ്ധതി നടപ്പാക്കുന്നത്. കുടുംബ സമേതവും അല്ലാതെയും ടിക്കറ്റെടുക്കുന്നവർക്ക് ഏറെ ആശ്വാസം നൽകുന്നതാണ് പുതിയ സേവനം.ഒരു വർഷം മുമ്പ് ഇതിനായുളള കരാറിൽ ഒപ്പു വെച്ചതായി ഫ്ളൈനാസ് വാണിജ്യ വിഭാഗം സിഇഒ അറിയിച്ചിരുന്നു. എന്നാൽ ഇപ്പോൾ ഉപഭോക്താക്കൾക്ക് ഈ സേവനം ലഭ്യമായി തുടങ്ങി.
ആഭ്യന്തര, അന്താരാഷ്ട്ര സെക്ടറുകളിലായി 70 ലേറെ നഗരങ്ങളിലേക്ക് പ്രതിവാരം 1,500 ലേറെ സർവീസുകൾ ഫ്ളൈനാസ് നടത്തുന്നുണ്ട്. നിലവിൽ 51 വിമാനങ്ങളാണ് ഈ ബജറ്റ് വിമാന കമ്പനിക്കുള്ളത്. 2030 ഓടെ സർവീസ് നടത്തുന്ന നഗരങ്ങളുടെ എണ്ണം 165 ആയി ഉയർത്താനുള്ള പദ്ധതികളും കമ്പനി ആരംഭിച്ചു. ഈ വേനൽക്കാലത്ത് 10 നഗരങ്ങളിലേക്ക് കൂടി ഫ്ളൈ നാസ് പുതുതായി സർവീസുകൾ ആരംഭിച്ചിട്ടുണ്ട്.
https://www.facebook.com/Malayalivartha