നാട്ടിലേക്ക് പോകുന്ന സമയത്ത് വിമാനത്താവളത്തിൽ നിന്ന് ടിക്കറ്റ് വാങ്ങി, ദുബൈ ഡ്യൂട്ടി ഫ്രീ മില്ലേനിയം മില്യനയര് നറുക്കെടുപ്പിൽ പ്രവാസി മലയാളിക്ക് 8 കോടി സമ്മാനം...!
പ്രവാസികൾക്കൊപ്പമാണ് ഭാഗ്യം എന്ന് പറയാതിരിക്കാൻ പറ്റില്ല. കാരണം ബിഗ് ടിക്കറ്റ് ഉൾപ്പെടെയുള്ള നടുക്കെടുക്കെപ്പിലൂടെ ഭാഗ്യം പരീക്ഷിച്ച് കോടികൾ പ്രവാസികൾ സ്വന്തമാക്കിയ വാർത്തകളാണ് അടുത്തിടെയായി പുറത്തുവരുന്നത്. ഇത് ഇപ്പോഴും മാറ്റമില്ലാതെ തുടരുകയാണ്. മലയാളികള് ഉള്പ്പെടെ നിരവധി പേര്ക്ക് വന്തുകയുടെ സമ്മാനങ്ങള് നല്കി അവരുടെ ജീവിതങ്ങള് മാറ്റി മറിച്ച അബുദാബി ബിഗ് ടിക്കറ്റിൽ മാത്രം ഒതുങ്ങുന്നതല്ല പ്രവാസികളുടെ ഭാഗ്യപരീക്ഷണം.
ദുബൈ ഡ്യൂട്ടി ഫ്രീ മില്ലേനിയം മില്യനയര് നറുക്കെടുപ്പിലേക്കും ഇത് നീളുന്നു. ഇപ്പോഴിതാ മറ്റൊരു പ്രവാസി കൂടി കോടീശ്വരനായിരിക്കുകയാണ്. ദുബൈ ഡ്യൂട്ടി ഫ്രീ മില്ലെനിയം മില്ലനയര് നറുക്കെടുപ്പില് പ്രവാസി മലയാളിക്ക് എട്ടു കോടിയിലേറെ ഇന്ത്യന് രൂപ സമ്മാനമായി ലഭിച്ചിരിക്കുകയാണ്.
ദുബായിലെ എമിറേറ്റ്സ് എയര്ലൈനില് എയര്ക്രാഫ്റ്റ് എഞ്ചിനീയറായ വിനോദ് വിക്രമന് നായർ ജൂലൈ ഒമ്പതിന് നാട്ടിലേക്ക് പോകുന്ന സമയത്ത് വിമാനത്താവളത്തിൽ നിന്നും എടുത്ത ടിക്കറ്റിനാണ് സമ്മാനം അടിച്ചത്. 49കാരനായ ഇദ്ദേഹം ദുബായ് ഡ്യൂട്ടി ഫ്രീ മില്ലെനിയം മില്ലനയര് 430-ാം സീരീസ് ആണ് സ്വന്തമാക്കിയത്. ദുബായിൽ നിന്നും തിരുവനന്തപുരത്തേക്കുള്ള യാത്രക്കിടെയാണ് അദ്ദേഹം ടിക്ക്റ്റ് സ്വന്തമാക്കിയത്.
28 വര്ഷമായി വിക്രമന് നായർ ദുബായിൽ ആണ് താമസിക്കുന്നത്. ദുബായിൽ താമസിക്കുന്ന ഇദ്ദേഹത്തിന് രണ്ട് കുട്ടികൾ ഉണ്ട്. 1999ല് ആണ് ദുബായ് ഡ്യൂട്ടി ഫ്രീ മില്ലെനിയം മില്ലനയര് നറുക്കെടുപ്പ് ആരംഭിക്കുന്നത്. ദുബായ് ഡ്യൂട്ടി ഫ്രീയുടെ മില്ലെനിയും മില്ലെനയര് പ്രൊമോഷന് ആരംഭിച്ചത് മുതല് 10 ലക്ഷം ഡോളര് നേടുന്ന 213-ാമത് മലയാളിയാണ് വിക്രമൻ നായർ.
https://www.facebook.com/Malayalivartha