8 പ്രവാസികൾക്ക് ലക്ഷങ്ങളുടെ പെരുമഴ, ബിഗ് ടിക്കറ്റിൽ ഭാഗ്യപരീക്ഷണം നടത്തുന്നതിൽ പ്രവാസികൾ കുതിക്കുന്നു
അബുദാബി ബിഗ് ടിക്കറ്റിൽ ഭാഗ്യപരീക്ഷണം നടത്തുന്നതിൽ പ്രവാസികൾ കുതിക്കുകയാണ്. ബിഗ് ടിക്കറ്റില് മലയാളികള്ക്ക് വലിയ ഭാഗ്യമുണ്ടെന്ന് പൊതുവെ സ്വദേശികള് പോലും വിശ്വസിക്കുന്നു. അബുദാബി ബിഗ് ടിക്കറ്റിന്റെ ചരിത്രം എടുത്ത് നോക്കിയാല് വിജയിച്ചവരുടെ പട്ടികയില് ഏറ്റവും കൂടുതല് കാണാന് കഴിയുന്നത് ഒരുപക്ഷെ മലയാളികളെയായിരിക്കും. ബിഗ് ടിക്കറ്റ് നറുക്കെടുപ്പിൽ വീണ്ടും മലയാളിയെ തേടി സമ്മാനങ്ങൾ എത്തിയിരിക്കുകയാണ്.
ബിഗ് ടിക്കറ്റ് പ്രതിവാര ഇ– നറുക്കെടുപ്പിൽ ഏഴ് ഇന്ത്യക്കാർക്ക് ഉൾപ്പെടെ 8 പേർക്കാണ് സമ്മാനം. ഇന്ത്യക്കാരിൽ അബുദാബിയിലെ ഒരു കഫ്റ്റീരിയയിൽ പാചകക്കാരനായ മലയാളിയേയും ഇത്തവണ ഭാഗ്യദേവത കടാക്ഷിച്ചിട്ടുണ്ട്. മലയാളിയായ ബാലൻ നായിടിക്കുന്നത്ത് ആണ് സമ്മാനം സ്വന്തമാക്കിയ മലയാളി. ഷാർജ, ദുബായ്, ഖത്തർ, കുവെെറ്റ്, ഹൈദരാബാദ് എന്നിവിടങ്ങളിൽ നിന്നുള്ളവർ ആണ് മറ്റ് ഭാഗ്യവാന്മാർ.
ഒരു ലക്ഷം ദിർഹം ആണ് സമ്മാനം ലഭിച്ചിരിക്കുന്നത്. 22 ലക്ഷം രൂപ വരും. കഴിഞ്ഞ ഒരു വർഷമായി 30 കൂട്ടുകാരുമായി ചേർന്ന് ബാലൻ ടിക്കറ്റ് എടുക്കുന്നുണ്ട്. സമ്മാന വിവരമറിയിക്കാൻ അധികൃതരുടെ ഫോൺ വിളിച്ചപ്പോൾ തനിക്ക് വളരെ സന്തോഷമായെന്ന് ബാലൻ പറയുന്നു. ഇനിയും ഭാഗ്യപരീക്ഷണം തുടരാൻ തന്നെയാണ് അദ്ദേഹത്തിന്റെ തീരുമാനം.
ഷാർജയില് ബാങ്ക് ജീവനക്കാരനായ സാഹിർ ആണ് രണ്ടാമത്തെ ഭാഗ്യവാൻ. ബന്ധുക്കളായ നാലു പേരോടൊപ്പം ആണ് ഇദ്ദേഹം ടിക്കറ്റ് എടുത്തത്. 22 ലക്ഷം രൂപ 4 പേരുമായി അദ്ദേഹം പങ്കിടും. ഖത്തറിലെ ലുലു ഹൈപ്പർമാർക്കറ്റിൽ ജീവനക്കാരനായ ബിബിൻ ബാബു ആണ് മൂന്നാമത്തെ ഭാഗ്യവാൻ. സഹപ്രവർത്തകർക്കൊപ്പം 20 പേരോടൊപ്പമാണ് അദ്ദേഹം ടിക്കറ്റ് എടുക്കുന്നത്. നാല് സുഹൃത്തുക്കളോടൊപ്പം ആണ് കുവെെറ്റിൽ ഡ്രൈവറായ അനീഷ് സെബാസ്റ്റ്യൻ ആണ് നാലാമത്തെ വിജയി.
നാട്ടിൽ ഒരു വീട് പണിയുക എന്നാണ് അനീഷ് സെബാസ്റ്റ്യന്റെ സ്വപ്നം. ഏഴു കൂട്ടുകാരോടൊപ്പം ടിക്കറ്റെടുത്ത കിരൺ ഗോപിനാഥ് ആണ് അഞ്ചാമത്തെ വിജയി. കഴിഞ്ഞ 2 വർഷമായി അദ്ദേഹം കൂട്ടുക്കാർക്കൊപ്പം ചേർന്ന് ടിക്കറ്റ് എടുക്കുന്നുണ്ട്. അബുദാബിയിൽ ആണ് കിരൺ ഗോപിനാഥ് താമസിക്കുന്നത്. ഹൈദരാബാദ് സ്വദേശിയായ റെയിൽവേ ജീവനക്കാരൻ ആണ് ആറാമത്തെ വിജയി.
ശ്രീനിവാസൻ നാട്ടിൽ നിന്നാണ് ടിക്കറ്റ് വാങ്ങിയത്. സഹോദരനും സുഹൃത്തുക്കൾക്കും ഒപ്പം ആണ് അദ്ദേഹം ടിക്കറ്റ് വാങ്ങിയത്. ഖത്തറിൽ ജോലി ചെയ്യുന്ന 39കാരനായ കിഷോക് കുമാർ ആണ് 22 ലക്ഷം രൂപ സ്വന്തമാക്കിയ ഏഴാമത്തെ ഭാഗ്യവാൻ. എട്ടാമത്തെ വിജയി ദുബായിൽ ജോലി ചെയ്യുന്ന ക്രാസ്റ്റോ ആണ്. ആറു കൂട്ടുകാരുമടങ്ങുന്ന സംഘത്തിനൊപ്പം ആണ് അദ്ദേഹം ടിക്കറ്റ് എടുത്തത്.
https://www.facebook.com/Malayalivartha