കുവൈത്തില്‍ ഷോപ്പിങ് മാളില്‍ യുവതിയെ ആക്രമിച്ച യുവാവിനെ മണിക്കൂറുകൾക്കകം പൊലീസ് പിടികൂടി. ഗവര്‍ണറേറ്റിലെ ഷോപ്പിങ് മാളിലാണ് സംഭവം. ആക്രമണത്തിന്റെ ദൃശ്യങ്ങള്‍ സോഷ്യല്‍ മീഡിയയില്‍ പ്രചരിച്ചിരുന്നു. വീഡിയോയുടെ പശ്ചാത്തലത്തില്‍ അഹ്മദി ഇന്‍വെസ്റ്റിഗേഷന്‍ വകുപ്പ് നടത്തിയ അന്വേഷണത്തിലാണ് പ്രതി പിടിയിലായത്.

പ്രതിക്കെതിരെ ആക്രമണം ഉൾപ്പെടെയുള്ള വകുപ്പുകൾ രജിസ്റ്റർ ചെയ്തിട്ടുണ്ട്. ആക്രമണത്തിന് ഇരയായ യുവതിയുടെ ആരോഗ്യനില തൃപ്തികരമാണെന്ന് മന്ത്രാലയം അറിയിച്ചു. അക്രമണത്തിൽ പരുക്കേറ്റ യുവതിക്ക് പ്രഥമശുശ്രൂഷ നൽകിയ ശേഷം ആശുപത്രിയിൽ നിന്ന് ഡിസ്ചാർജ് ചെയ്തു.