കുവൈത്തില്‍ ഈ ദിനം പൊതു അവധി പ്രഖ്യാപിച്ചു, എല്ലാ മന്ത്രാലയങ്ങള്‍ക്കും സര്‍ക്കാര്‍ വകുപ്പുകള്‍ക്കും പൊതുമേഖലാ സ്ഥാപനങ്ങള്‍ക്കും അവധി ബാധകം
കുവൈത്തില്‍ ഡിസംബര്‍ ഒന്നിന് എല്ലാ മന്ത്രാലയങ്ങള്‍ക്കും സര്‍ക്കാര്‍ വകുപ്പുകള്‍ക്കും പൊതുമേഖലാ സ്ഥാപനങ്ങള്‍ക്കും പൊതു അവധി പ്രഖ്യാപിച്ചു. കുവൈത്ത് ആതിഥേയത്വം വഹിക്കുന്ന ജിസിസി ഉച്ചകോടിയോട് അനുബന്ധിച്ചാണിത്. സിവില്‍ സര്‍വീസ് കമ്മീഷൻ അവരുടെ ഔദ്യോഗിക സമൂഹ മാധ്യമ അക്കൗണ്ടിലൂടെയാണ് ഈ വിവരം പുറത്തുവിട്ടത്.
അടിയന്തര സേവനങ്ങളും പൊതു താൽപര്യ സേവനങ്ങളും നൽകുന്ന ഏജൻസികൾ പ്രവർത്തനങ്ങൾ തടസ്സപ്പെടാതെ നടത്തുന്നതിനായി അതനുസരിച്ചുള്ള ഷെഡ്യൂളുകൾ തയ്യാറാക്കണമെന്ന് അധികൃതർ നിർദ്ദേശിച്ചു.
ഇതേസമയം യുഎഇയിലെ പ്രവാസികൾക്ക് ഡിസംബർ രണ്ടിന് യു.എ.ഇ.ദേശീയദിനത്തിന് അവധി ലഭിക്കും. ഡിസംബർ രണ്ടിന് യുഎഇയുടെ 53-ാമത് ദേശീയദിനത്തോട് അനുബന്ധിച്ച് ഒരുമാസം നീളുന്ന ആഘോഷപരിപാടികളാണ് നടക്കുന്നത്.
നവംബർ മൂന്നിന് പതാകദിനത്തോടനുബന്ധിച്ച് ദുബായില്‍ ആഘോഷപരിപാടികള്‍ക്ക് തുടക്കമായി കഴിഞ്ഞു. ഇനി ദേശീയദിനമായ ഡിസംബര്‍ രണ്ടിനാണ് ആഘോഷങ്ങള്‍ സമാപിക്കുക.
https://www.facebook.com/Malayalivartha
