കഠിനാധ്വാനം മലയാളികളെ എന്നും മുന്‍ നിരയിലെത്തിക്കാറുണ്ട്‌. അതാണ്‌ ഗള്‍ഫ്‌ നാടുകളിലെ മലയാളികളുടെ വിജയത്തിന്‌ കാരണം. ദുബൈ ആസ്ഥാനമായ അറേബ്യന്‍ ബിസിനസ് മാസിക പുറത്തിറക്കിയ ഗള്‍ഫിലെ ഇന്ത്യന്‍ സമ്പന്നരുടെ പുതിയ പട്ടികയില്‍ പ്രമുഖ വ്യവസായിയും ലുലു ഗ്രൂപ്പ് മാനേജിങ് ഡയറക്ടറുമായ എം.എ. യൂസുഫലിക്ക് നാലാം സ്ഥാനം. ലാന്‍ഡ്മാര്‍ക്ക് ഗ്രൂപ്പ് ചെയര്‍മാന്‍ മിക്കി ജഗ്തിയാനിയാണ് ഇന്ത്യന്‍ സമ്പന്നരില്‍ ഒന്നാമത്. 22,500 കോടി രൂപയാണ് മിക്കിയുടെ ആസ്തി. നാലാമതെത്തിയ യൂസഫലിയുടെ ആസ്തി 11,000 കോടി രൂപയാണ്. 50 പേരുള്ള പട്ടികയിലെ മലയാളികളില്‍ ഒന്നാം സ്ഥാനത്താണ് യൂസുഫലി. എന്‍എംസി ഗ്രൂപ്പ് ചെയര്‍മാന്‍ ഡോ. ബി.ആര്‍ ഷെട്ടിയാണ് അഞ്ചാം സ്ഥാനത്ത്. ആറാം സ്ഥാനത്തെത്തിയ ആര്‍ പി ഗ്രൂപ്പ് ചെയര്‍മാന്‍ രവി പിള്ളയാണ് മലയാളികളില്‍ രണ്ടാമന്‍