ലോകസുന്ദരിയെ തിരഞ്ഞെടുക്കാനുള്ള മാനദണ്ഡം സൗന്ദര്യം മാത്രമല്ലെന്ന് ഇപ്പോള്‍ എല്ലാവര്‍ക്കും അറിവുള്ള കാര്യമാണ്. അവരുടെ അറിവും സംസാരവും ഒക്കെ അതില്‍ പ്രാധാനമാണ്.

സോഷ്യല്‍ ലോകത്ത് ഇപ്പോള്‍ ചിരിയുണര്‍ത്തുന്നത് ഇതുപോലൊരു സൗന്ദര്യമല്‍സരത്തില്‍ പങ്കെടുത്ത ഒരു സുന്ദരിയുടെ ഉത്തരമാണ്.

 H₂O  എന്താണ് എന്നായിരുന്നു ചോദ്യം. ഉത്തരം മുട്ടിയ മിസ് വേള്‍ഡ് ബംഗ്ലാദേശ് മത്സരാര്‍ഥി നല്‍കിയ മറുപടി ചിരിയ്ക്ക് തിരികൊളുത്തി.

മിസ് വേള്‍ഡ് ബംഗ്ലാദേശ് 2018 മത്സരത്തില്‍ പങ്കെടുക്കാനെത്തിയ സുന്ദരിമാരില്‍ ഒരാളോടാണ് പാനലില്‍ ഉണ്ടായിരുന്ന വിധികര്‍ത്താക്കളില്‍ ഒരാള്‍  H₂O  എന്തെന്ന് ചോദിച്ചത്.

ചോദ്യം കേട്ടതും ഈ മല്‍സരാര്‍ഥി പെട്ടെന്ന് നിശബ്ദയായി. അതിനുശേഷം ഉത്തരം പറയാതെ നിന്നു ചിരിച്ചു.

മല്‍സരാര്‍ഥിയ്ക്ക് ഉത്തരം അറിയില്ലെന്ന് മനസ്സിലാക്കിയ വിധികര്‍ത്താവ്  H₂O  എന്നാല്‍ വെളളമാണെന്ന് പറഞ്ഞുകൊടുത്തു.

ഇതിനു സുന്ദരി പറഞ്ഞ മറുപടി കേട്ട് വിധികര്‍ത്താവും കാണികളും അമ്പരന്നുപോയി. ധാക്കയിലെ ധന്‍മോണ്ടിയില്‍ H₂O  എന്ന പേരില്‍ ഒരു ഭക്ഷണശാല ഉണ്ടെന്നായിരുന്നു സുന്ദരിയുടെ മറുപടി.