കര്‍ണാടകത്തിലെ ദാവണ്‍ഗെരെയില്‍ നിന്ന് ഭരമസാഗരയിലേക്ക് നിരവധിയാത്രക്കാരുമായി പോയ കര്‍ണാടകത്തിലെ സര്‍ക്കാര്‍ ബസ്സായ കെഎസ്ആര്‍ടിസിയില്‍ ഡ്രൈവര്‍ക്കൊപ്പമിരുന്ന് കുരങ്ങന്‍ സ്റ്റിയറിങ് നിയന്ത്രിക്കുന്ന ദൃശ്യങ്ങള്‍ പുറത്തുവന്നു.

ഡ്രൈവറുടെ ഒരു കൈ സഹായത്തോടെയാണെങ്കിലും കുരങ്ങന്‍ അമ്പരപ്പിക്കുന്ന കൈയ്യൊതുക്കത്തോടെയാണ് വാഹനം നിയന്ത്രിക്കുന്നത്.

ദൃശ്യങ്ങള്‍ പുറത്തു വന്നതോടെ ഡ്രൈവര്‍ക്കു പണി കിട്ടി എന്നു പറഞ്ഞാല്‍ മതിയല്ലോ!

യാത്രക്കാരെ വച്ചുകൊണ്ടു പോയ ബസ്സിന്റെ നിയന്ത്രണം കൈമാറിയതിന് ഡ്രൈവര്‍ പ്രകാശിനെതിരെ നടപടി ഉണ്ടായി.

അന്വേഷണം പൂര്‍ത്തിയാകുന്നത് വരെ ജോലിയില്‍ നിന്നും മാറ്റിനിര്‍ത്തിയിരിക്കയാണ്.