അക്രമികള് തല്ലിത്തകര്ത്തവയില് റിപ്പബ്ലിക് ടിവിയുടെ വാഹനവും...വാഹനം തല്ലിത്തകര്ത്ത സ്ഥലത്തുനിന്നെടുത്ത വിഡിയോയിലെ സംഭാഷണങ്ങള് ചിരി ഉയര്ത്തുന്നു!
ശബരിമലയിലെ യുവതീപ്രവേശവുമായി ബന്ധപ്പെട്ട് നടന്ന പ്രതിഷേധത്തിനിടെ അക്രമികള് തല്ലിത്തകര്ത്തവയില് അര്ണബ് ഗോസ്വാമിയുടെ റിപ്പബ്ലിക് ടിവിയുടെ വാഹനവും ഉണ്ടായിരുന്നു.
ചാനലിന്റെ റിപ്പോര്ട്ടര്ക്കെതിരെ അക്രമികള് മര്ദനവും കയ്യേറ്റവും നടത്തി. ഇതിനെതിരെ അര്ണബും ചാനലും മന്ത്രി ഷൈലജയുടെയും പ്രതിപക്ഷ നേതാവ് രമേശ് ചെന്നിത്തലയുടെയും പ്രതികരണം തേടിയത് വലിയ വാര്ത്ത ആകുകയും ചെയ്തു.
വാഹനം തല്ലിത്തകര്ത്ത സ്ഥലത്തുനിന്നെടുത്ത വിഡിയോയിലെ സംഭാഷണമാണ് ഇപ്പോള് വൈറലാകുന്നത്. റിപ്പബ്ലിക് ടിവിയുടെ വാഹനമാണെന്ന് അറിയാതെയായിരുന്നു അക്രമമെന്ന് വിഡിയോയിലെ സംഭാഷണത്തില് നിന്ന് വ്യക്തമാണ്.
ഇത് ആര്എസ്എസിന്റെ ചാനലാണെന്നും അര്ണബിന്റെ ചാനലാണെന്നുമൊക്കെ വിഡിയോയില് ഒരാള് പറയുന്നത് കേള്ക്കാം. ഏത് ചാനലെന്ന് ചോദിക്കുന്നവരോട് ആര്എസ്എസ് നേതൃത്വം കൊടുക്കുന്ന റിപ്പബ്ലിക് ചാനലെന്ന് വിശദീകരിക്കുന്നുമുണ്ട്.
ഏത് ഗോസ്വാമിയെന്നും ചിലര് ചോദിക്കുന്നു. ഒടുവില് നമുക്ക് അങ്ങനെയൊന്നുമില്ലെന്ന് ഒരാള് പറയുന്നിടത്താണ് വിഡിയോ അവസാനിക്കുന്നത്. സോഷ്യല് മീഡിയയില് വൈറലാകുകയാണ് ഈ വിഡിയോ.
കഴിഞ്ഞ ദിവസമാണ് നിലയ്ക്കലിലെത്തിയ റിപ്പബ്ലിക് ടിവിയുടെ സൗത്ത് ഇന്ത്യ ബ്യൂറോ ചീഫ് പൂജ പ്രസന്നയെ പ്രതിഷേധക്കാര് ആക്രമിച്ചത്. നൂറിലധികം വരുന്ന ജനക്കൂട്ടമാണ് ആക്രമണം നടത്തിയതെന്ന് ചാനല് ട്വീറ്റ് ചെയ്യുകയും ചെയ്തിരുന്നു.
https://www.facebook.com/Malayalivartha