ഇനി ദീര്ഘദൂര ട്രെയിന്യാത്രയിലും കൂട്ടിന് പുസ്തകങ്ങള്
ഇനി പുസ്തകങ്ങള് ദീര്ഘദൂര ട്രെയിന്യാത്രയിലും കൂട്ടാകും.
ട്രെയിനുകളില് ഗ്രന്ഥശാല ആരംഭിക്കാനുള്ള റയില്വേയുടെ ആദ്യഘട്ടത്തിന് മുംബൈയില് തുടക്കമായി.
വായന പ്രോത്സാഹിപ്പിക്കുന്നതിന്റെ ഭാഗമായാണ് ഈ സൗജന്യസേവനം.
ട്രെയിന് യാത്രയ്ക്കിടെയുള്ള വായനയ്ക്കായി കയ്യില് പുസ്തകങ്ങള് കരുതുന്നവര് കുറവല്ല. വായനയെ അത്രമേല് സ്നേഹിക്കുന്നവര്ക്കും അക്ഷരങ്ങളെ കൂട്ടായികരുതുന്നവര്ക്കുമാണ് റയില്വേയുടെ പുതിയ പദ്ധതി.
യാത്രക്കാര്ക്കായി ട്രെയിനില്തന്നെ ഒരു ഗ്രന്ഥശാല. പ്രത്യേകട്രോളിയില് പുസ്തകങ്ങളുമായി ജീവനക്കാര് നിങ്ങളുടെ പക്കലെത്തും.
മധ്യറയില്വേയുടെ അഭിമാനട്രെയിനായ പഞ്ചവടി എക്സ്പ്രസ്, ഡെക്കാന് ക്യൂന് എന്നിവയിലാണ് ആദ്യഘട്ടത്തിന് തുടക്കമായത്.
പ്രതിമാസ സീസണ് ടിക്കറ്റുകാര്ക്കും, റിസര്വ് ടിക്കറ്റുകാര്ക്കും സൗജന്യമായി പുസ്തകം ലഭിക്കും. പുസ്തകങ്ങള് ശേഖരിക്കുന്നവരുടെ മൊബൈല്നമ്പര്, ആധര്നമ്പര് എന്നിവ ശേഖരിക്കും.
യാത്ര അവസാനിക്കും മുന്പ് പുസ്തകം തിരികെവാങ്ങും. ആദ്യഘട്ടം വിജയമാണെന്ന് കണ്ടാല് മറ്റിടങ്ങളിലേക്കും വ്യാപിപ്പിക്കും.
https://www.facebook.com/Malayalivartha
