നയാപൈസ എന്ന നാടകത്തിന് ഒരു പ്രത്യേകത ഉണ്ട്. വൈക്കം മുഹമ്മദ് ബഷീറിന്റെ അനശ്വര പ്രണയകഥകളെ കോര്‍ത്തിണക്കിയതാണ് അത്.

കോഴിക്കോട് നവേചതനയാണ് വ്യത്യസ്ഥ പശ്ചാത്തലമുള്ള കഥകളെ കൂട്ടിച്ചേര്‍ത്ത് അരങ്ങിലെത്തിച്ചത്. മനോജ് നാരായണനാണ് സംവിധാനം.

പ്രേമലേഖനത്തിലെ കേശവന്‍ നായരും സാറാമ്മയും, ബാല്യകാല സഖിയിലെ മജീദും സുഹറയും മുച്ചിട്ടുകളിക്കാരന്റെ മകള്‍ സൈനബയും മണ്ടന്‍ മുത്തപ്പയുമെല്ലാം ഒരേ വേദിയില്‍ ഒരുമിച്ച് എത്തുകയാണ് നയാപൈസ എന്ന നാടകത്തിലൂടെ.

നര്‍മ്മത്തിന് പ്രാധാന്യം കൊടുത്ത് നിര്‍മിച്ച നാടകത്തിലൂടെ സമകാലിക യാഥാര്‍ഥ്യങ്ങളെ വരച്ചുകാട്ടാന്‍ ശ്രമിക്കുകയാണ് രചയിതാവ്.

രണ്ടു മണിക്കൂര്‍ ദൈര്‍ഘ്യമുള്ള നാടകം അണിയിച്ചൊരുക്കിയത് മനോജ് നാരായണനാണ്. കരിവള്ളൂര്‍ മുരളിയാണ് ഗാനരചയിതാവ്.