മുങ്ങിത്താണു കൊണ്ടിരുന്ന ആറുവയസുകാരിയെ ഡെലിവറി ബോയി രക്ഷിച്ചു
ചൈനയിലെ ഹെജിയാംഗ് പ്രവശ്യയിലെ ഷാവോസിംഗ് സിറ്റിയിലെ ഒരു നദിയില് വെള്ളത്തില് മുങ്ങിത്താണ് മരണത്തെ മുമ്പില് കണ്ട ആറുവയസുകാരിക്ക് ഡെലിവറി ബോയി തുണയാകുന്നതിന്റെ ദൃശ്യങ്ങള് സാമൂഹ്യമാധ്യമങ്ങളുടെ കൈയടി നേടിയെടുക്കുന്നു.
നദിയുടെ തീരത്തിരുന്ന് കുട്ടി മോപ്പ് കഴുകിക്കൊണ്ടിരിക്കുമ്പോള് കാലു തെന്നി വെള്ളത്തിലേക്കു വീഴുകയായിരുന്നു. വെള്ളത്തില് വീണ കുട്ടി കൈകാലുകളിട്ട് വെള്ളത്തില് അടിച്ചുകൊണ്ടിരിക്കുമ്പോളാണ് ഒരു ഡെലിവറി ബോയി സമീപത്തുകൂടി കടന്നു വന്നത്.
എന്തോ അപകടം നടക്കുന്നുവെന്നു മനസിലാക്കിയ അദ്ദേഹം പെട്ടന്ന് തന്നെ ബെക്ക് നിര്ത്തി ഇവിടെക്ക് എത്തുകയും തന്റെ മൊബൈല് ഫോണ് കരയിലേക്ക് എടുത്തിട്ടിട്ട് വെള്ളത്തിലേക്ക് എടുത്ത് ചാടി കുട്ടിയെ രക്ഷിക്കുകയുമായിരുന്നു.
വെള്ളത്തില് നിന്നും കുട്ടിയെ രക്ഷിച്ച് കരയില് കയറ്റിയ അദ്ദേഹം തിരികെ വെള്ളത്തിലേക്കിറങ്ങി കുട്ടിയുടെ ഷൂവും എടുത്ത് നല്കി. രക്ഷാപ്രവര്ത്തനം നടത്തിയയാളുടെ പേര് ഹി ലിന്ഫെംഗ് എന്നാണ്.
സിസിടിവിയില് പതിഞ്ഞ ദൃശ്യങ്ങള് ഇതിനോടകം തന്നെ സോഷ്യല്മീഡിയയില് വൈറലായി മാറുകയാണ്. സോഷ്യല്മീഡിയയിലെങ്ങും അദ്ദേഹത്തെ തേടി അഭിന്ദനപ്രവാഹമാണ്.
https://www.facebook.com/Malayalivartha
