പെട്രോള് പമ്പില് അതിഭീകര അപകടം; ഇടയാക്കിയത് കാര് ഡ്രൈവറുടെ അശ്രദ്ധ
ന്യൂജേഴ്സിയിലെ് ഒരു പെട്രോള് പമ്പില് കാര് ഡ്രൈവറുടെ അശ്രദ്ധയെ തുടര്ന്ന് ഉണ്ടായ അതിഭീകരമായ അപകടത്തിന്റെ സിസിടിവി ദൃശ്യങ്ങള് പുറത്ത്. ഈ മാസം പത്തിനാണ് സംഭവം നടന്നത്.
ഇന്ധനം നിറച്ചുപൂര്ത്തിയാകുന്നതിനു മുമ്പേ ഡ്രൈവര് കാര് ഓടിച്ചു മുമ്പോട്ടു പോകുകയായിരുന്നു. ഇന്ധനം നിറക്കുന്ന ഹോസ് കാറിന്റെ ടാങ്കിനുള്ളിലായിരുന്നതിനാല് കാര് മുമ്പോട്ടു പോയപ്പോള് ഈ ഹോസ് വലിയുകയും പമ്പിലെ ബോര്ഡ് തകരുകയുമായിരുന്നു.
മാത്രമല്ല പെട്ടെന്ന് ഇവിടം മുഴുവന് തീപടരുകയും ചെയ്തു. ഇവിടേക്ക് ഓടിയെത്തിയ ജീവനക്കാരന് ഫയര് എക്സ്റ്റിംഗൂഷര് ഉപയോഗിച്ച് തീ അണയ്ക്കുവാന് ശ്രമിക്കുന്നതും വീഡിയോയില് വ്യക്തമാണ്.
എമര്ജന്സി ഫ്യുവല് കട്ട് ഓഫ് സ്വിച്ച് പ്രവര്ത്തിപ്പിച്ചതിനാല് തീ അണയ്ക്കുവാന് ജീവനക്കാരന് കഴിഞ്ഞു. പിന്നീട് അഗ്നിശമനസേന എത്തി സാഹചര്യത്തിന്റെ നിയന്ത്രണം ഏറ്റെടുത്തു. അപകടത്തില് ആര്ക്കും പരിക്കേറ്റിട്ടില്ല.
https://www.facebook.com/Malayalivartha
